أثارت الفنانة وفاء عامر، الكثير من الجدل خلال الساعات القليلة الماضية، بعد أن كشفت عن كواليس من حياتها الفنية، وعن أنها تخاف كثيراً من الحسد، وأشارت إلى أنها تقوم بالكثير من الأعمال الخيرية.
ووجهت الفنانة رسالة لجمهورها ومُحبيها بمناسبة ليلة رأس السنة، أثناء استضافتها ببرنامج “مساء dmc”، والتى يقوم بتقديمة الاعلامية إيمان الحصرى، والذى يُذاع من خلال فضائية “dmc”، وقالت:ـ “أنا دايماً مُتفائلة وفى أصعب المواقف بقول أكيد رينا شايلى الأحسن، وبجد أُؤمن بالطاقة الايجابية، وبخاف أوى من الحسد لأنه مذكور في القرأن، وعلشان تتجنبى الحسد لو شخص قالك مال عينك مصفرة كده ليه؟.. ردى عليه وقولى كنت لسه بعيط من شوية، وعلى طول العين هتمشى، ولازم دائماً تفكروا في الأمل والحاجات الكويسة”.
وتحدثت الفنانة خلال اللقاء عن أعمالها الخيرية وقالت:ـ” أنا شخصية عفوية وأغلب الوقت مببقاش مرتبة الحاجة، وعندى استعداد أساعد أى حد محتاج لو معاه ورق سليم، والدولة بتساعد ولكن مش هتقدر تشيل حالات كاملة بعينها، والموضوع ده موجود في كل العالم، ولكن عندنا عيوب كتير على السوشيال ميديا وإنها بتهاجم الناس الإيجابية، وأنا مش بيهمنى طول ما أنا ماشية صح وعايشة في دولة فيها قانون والسمعة مش بالساهل”.
وأما عن موافقتها على دورها بمسلسل “جزيرة غمام”، أجابت:ـ “بجد حسيت إنى ظلمت نفسى في عمل ما، وكل هدفى إنى كنت عاوزة أساعد وليقت بيتعرض عليا أعمال كتير، وشركة سنيرجى جولى الساعة 3 بالليل تحت البيت علشان أعمل الدور في مسلسل (جزيرة همام)، وأنا كنت بعيط علشان مش عندى وقت، وكمان مسلسل (بيت الشدة) بيوجه رسالة للناس عن السنين العجاف، وأتمنى إن الرسالة تكون وصلت”.
