قامت المطربة المعتزلة زيزى عادل، بنشر مجموعة من الصور لها من أمام الكعبة المشرفة، أثناء تأديتها لمناسك العمرة بالمملكة العربية السعودية، وذلك من خلال حسابها الرسمى على موقع التواصل الاجتماعى “فيس بوك”.
وظهرت الفنانة زيزى، في الصور وهى ترتدى “عباءة وحجاب” باللون الأبيض، وعلقت على الصور وكتبت:ـ” الحمد لله حمداً كثيراً، أنا دعيت ربنا بيها ورزقنى ونولهالى، والحمد لله في أيام مفترجة من شهر رجب، ودلوقتى إنتهيت من آداء مناسك العمرة”.
وتابعت المطربة:ـ “لأول مرة في حياتى أزور بيت الله الحرام، وكتب ليا رؤية الكعبة المشرفة، والطواف حولها وملامسة الحجر الأسود الكريم، والسعى بين الصفا والمروة، وبجد إحساس مش ممكن يتوصف.. راحة نفسية أول مرة أحس بيها في حياتى، وشعور بالروحانية وتحس إن روحك في قمة السعادة”.
وأضافت زيزى:ـ “يارب تقبل منا ولا تترك لنا دعاء إلا وأجبته، ولا ذنباً إلا وقد غفرته وأعنا بفضلك وبكرمك على طاعتك وشكرك وحسن عبادتك، وتوفنا وأنت راض عنا يارب العالمين، ويارب ترزق كل مسلم مُشتاق زيارة بيتك الحرام”.
وجديراً بالذكر، بأن المطربة زيزى عادل أعلنت إعتزالها الغناء ونشرت الخبر من خلال حسابها على “انستجرام”، وقالت:ـ “أنا طالعة النهاردة أقول قرار مهم أوى في حياتى، ويمكن يكون أهم قرار أخدته.. هو إعتزال الغناء، وبجد قررت إنى أترك العمل بالفن”.
وتابعت الفنانة:ـ “ويمكن القرار ده ما أخدتهوش امبارح يعنى، وأخدته من فترة كبيرة ومطلعتش أقول الخبر ده، وده علشان كنت عاوزة أتكلم مع نفسى ومع الناس اللى بحبهم، وبجد الناس دى دعمتنى جداً في القرار ده، وكتير منهم شجعونى إنى أعمل كده، وفى النهاية أنا ببعد عن حاجة من أكتر المغريات اللى في الدنيا.. اللى هى الشهرة، وأنا حابة أبعد عن الشهرة والمجد والأضواء اللى هى الناس بتحاول تقرب منها”.
