أثارت ريم طارق زوجة المطرب الشعبى حسن شاكوش، الكثير من الجدل خلال الساعات القليلة الماضية، بعد أن تابعت الهجوم على زوجها من خلال مواقع التواصل الاجتماعى.
وكتبت زوجة شاكوش، من خلال حسابها الرسمى على موقع التواصل الاجتماعى “انستجرام”، وقالت:ـ “عاوزة أعرف إزاي واحد زيك ضحك على ستات كتير من مختلف البلدان، ووعدهم بالجواز وتيجي ريم بنت الجيران، واللي إنت قولت قبل كده إنك مربيها على إيدك وكبرت أمام عينيك ومتعرفش إنها مُنفصلة؟.. تيجي إزاي دي؟”.
وأنهت ريم طارق وكتبت:ـ “حقيقي إحنا مش أغبية يا استاذ حسن، وياريت تحترم ذكاء جمهورك”.
ومن جانبه، فقد سبق وعلق حسن شاكوش على أزمته الأخيرة مع زوجته ريم طارق، وذلك من خلال حسابه الرسمى على موقع التواصل الاجتماعى “فيس بوك”، وقال:ـ “الحمد لله والشكر ليك يارب على كل حال، والحقيقة الفترة اللي فاتت شاركنا معاكم مشاكل كتيرة، وبجد مكنش ينفع إننا نشاركها معاكم، وده علشان مفيش حد يعرف حاجة عن الحقيقة، وأنا طالما مفيش حد شاف حاجة هفضل عند قراري ومش هتكلم”.
وتابع شاكوش:ـ “ومهما سمعت من تجريح مش هرد، وكل واحد هيتسأل عن كلامة أمام الله، وأنا حابب إني اعتذر لكل أفراد اسرتي وكل من يعمل معي، وده بسبب الاساءة التى نتعرض لها كل يوم على السوشيال ميديا وخارجها”.
وجديراً بالذكر، بأن المطرب الشعبى حسن شاكوش وزوجته ريم طارق قد دخلا في عدة مشاكل أُسرية، والتى انتشرت على المواقع الاخبارية ومواقع التواصل الاجتماعى، بعد أن قامت زوجة شاكوش بتحرير محضر ضد زوجها واتهمته بأنه طردها من منزل الزوجية، وأيضاً الاستيلاء على المنقولات الزوجية والشبكة وإيصال أمانة خاص بمؤخر الصداق، وعلى الجانب الأخر اتهمها هو الآخر بأنها قامت بسرقة أمواله.
