قامت الاعلامية المعروفة ياسمين عز، بالتعليق على أُغنية المطربة الكولومبية شاكيرا الجديدة، والتى قامت فيها بالتلميح عن حبيبها السابق ونجم نادى “برشلونة” السابق “جيرارد بيكيه”، وأيضاً حبيبته الحالية “كلارا كيا مارتى”.
وأكدت الاعلامية، أثناء تقديمها لبرنامج “كلام الناس”، والذى يُذاع من خلال فضائية “mbc مصر”، وقالت:ـ “بجد بتفكرينى بالفنانة شويكار لما غنت وقالت (ما هو أصل قليل الأصل يسيب الأصل وياخد الصورة)، وحقيقى أنا مقدرة اللى إنتى فيه وحرقة قلبلك، وأنا عارفة إن الست دى مليارديرة وأشهر النجوم وعندها جمهور من أنحاء العالم، ولكن في النهاية الست ست مهما حصل ومهما كانت هى مين أو معاها إيه، وفى بعض الأحيان التليقح بيكون صورة من صور الندم على الانفصال بس.. النهايات أخلاق يا شاكيرا”.
وأضافت ياسمين:ـ “أنا ليا أكتر من عتاب عندك.. حبيبة قلبى الموضوع إنتهى سواء إنت اللى غلطانة أو هو، ولكن أولادكم ملهمش ذنب تبقى سيرة أبوهم على كل لسان، ومش هينفع ابنك يروح المدرسة وزملائه يتريقوا عليه، وإنتى قولتى لما انفصلتوا علشان مصلحة الأولاد، ولا هو علشان الراجل ساكت يعنى تكتبى في الأُغنية هجاء وتلقيح وتهاجميه مش هينفع خالص.. البنى آدم منا له طاقة، والراجل هيشيل ويعبى جواه لحد ما ينفجر، وبجد إنتى متعرفيش بيكيه رد فعله هيكون إيه، والراجل عشرة 12 سنة ولا عمره وقف في طريق نجاحك، وكل المطلوب منك إنك تحاولى تفتكرى له الحاجات الحلوة”.
وتابعت الاعلامية:ـ “لو عاوزة تلومى حد على إنه سابك لومى نفسك، ومفيش شخص معصوم من الغلط إنتى من ساعة لما انفصلتوا بتصدرى للرأى العام إنوا خانك مع واحدة تانية، ولكن اللى عرفناه من بعض الناس إن بيكيه مكنش قادر يتحمل فكرة إن صوتك عالى، وبتزعقى عمال على بطال وده واضح في الأغانى اللى بتعمليها”.
وأنهت:ـ “ياريت تقولى ليا مين راجل يقدر يستحمل كده، ولما يروح النادى يلاقى أصحابه بيقولوه مراتك هى اللى ممشياك، وأنا عرفت إنوا لفت نظرك أكتر من مرة للموضوع ده، ولا إنت كنتى قاصدة تجرحيه ودى أسرار بيوت ومش بحب أدخل فيها، وإيه المشكلة لما ربنا يكون موسعها عليكى وجوزك يتزنق شوية ويميل عليكى.. مش شايفة مشكلة خالص، ولو مكنتيش تقفى جنب جوزك وأبو عيالك هتقفى مع مين؟”.
