قامت الاعلامية الجميلة ياسمين عز، بإثارة الكثير من الجدل خلال الساعات القليلة الماضية، بعد أن وجهت بعض النصائح للسيدات بخصوص تعاملها مع زوجها وحماتها.
وأكدت الاعلامية، أثناء تقديمها لبرنامجها “كلام الناس”، والذى يُذاع من خلال فضائية “mbc مصر”، على المطالبة بدعوة الحموات على العزومات بدلاً من دعوة الأقارب، وعلقت قائلة:ـ “لو بنت خالتك بتاكل كتير، هتاكل في يومين خزين التلاجه اللى عندك، واللى الراجل بيتعب فيه علشان يحاول يوفرك شوية من مُتطلباتك”.
وأضافت ياسمين:ـ “إعزمى حماتك أحسن، وده علشان هى بتحبك وبتحب ابنها وهتيجى وإيدها مش فاضية.. بتجيب خيرات ربنا معاها.. هتملالك التلاجة، وكمان الحماة بتبقى حنينة وهى معزومة والمفروض لما تبقى معزومة تيجى ومتجبش حاجة معاها، وحقيقى حماتك هى اللى هتفيدك مش بنت خالتك، والمفروض عليكى إنك متعزميش حد من أقاربك وأهلك اليومين دول”.
وتحدثت الاعلامية أيضاً عن مشكلة أُخرى لسيدة، حيث قالت:ـ “فى واحدة بتقول إن جوزها بينادى عليها بإسمة هو، ومش بينادى عليها بإسمها وزعلانة، وأنا بقولها عندك إسم وجميل كمان، ولكن جوزك خايف عليكى وخايف إن حد يعرف اسمك ويعاكسك، وده معناه إنوا بيحبك وبيغير عليكى، وكمان متنازل ليكى عن أعز شئ يملكه وهو إسمة، وفى الآخر إنتى زعلانة؟”.
وأوضحت:ـ “الحركة دى فىها استعارة مكنية، وده معناها كل حب وإنتى مش واخدة بالك، والراجل بكده عاوز يقولك إنتى نفسه وإنتوا واحد، ولو نادى عليكى بإسم واحدة تانية هتعملى إيه؟.. ياريت بالراحة على الراجل شوية”.
وأنهت حديثها وقالت:ـ “الراجل في البيت بينادى عليكى بإسمك وبيدلعك كمان، ولما ينادى عليكى بإسمه دى فخر ليكى، والمفروض إنك تُطلبى منوا يعمل كده، وتقولى بكل فخر أنا مدام فلان وحرم فولان”.
