“بيعجبنى إصرار محمد صلاح.. بحس إن فيا كتير من قصة كفاحة”.. وفاء عامر تثير الجدل بسبب تصريحاتها
قامت الفنانة المعروفة وفاء عامر، بالتحدث عن مسيرتها الفنية وعن مدى رضائها عن ما قدمته من أول دور لها كاكومبارس إلى أن وصلت إلى البطولة المطلقة، وعلقت قائلة:ـ “من أول دور عملته وتقال عليه كومبارس وأنا بفتخر بتاريخى الفنى إنى عملت مشهد وإتنين وتلاتة، وأكيد ده مش عيب.. ده وسام على صدرى أفتخر بيه، وكمان بيحسسنى قد إيه أنا تعبت لحد ما وصلت للى أنا فيه دلوقتى، وكمان خدتها خطوة خطوة وعملت مشهد وإتنين لحد ما وصلت للبطولة، وده أكيد حاجة كويسة وكمان طعم النجاح فيه بيكون أحسن وأجمل”.
وأكدت الفنانة من خلال إستضافتها ببرنامج “التاسعة”، والتى تقوم بتقديمة الاعلامية “شافكى المنيرى”، والذى يذاع عبر القناة الأُولى بالتليفزيون المصرى، على أنها تحب كثيرا نجم المنتخب المصرى ونجم نادى “ليفربول” الإنجليزى اللاعب محمد صلاح، وأثنت عليه وقالت:ـ “بيعجبنى إصرار محمد صلاح وأنا بحس إنى شبهه في حاجات كتير أوى عدت عليه في حياته، فمثلاً صلاح مشى من النادى وقالوا مش هينفع وراح لأحد الأندية الكبيرة، وكمان أنا مشيت من أحد الأعمال الكبيرة، وقالوا عنى مش هتشتغل ومش هتنفع وكان المسلسل بوابة الحلوانى”.
كما تحدثت وفاء عامر خلال اللقاء، عن كوليس رفضها المشاركة في المسلسل الشهير “ليالى الحلمية”، وعلقت:ـ “وكنت روحت ومعايا شنطة هدومى، ومشيت ومشانى منه المنتج الفنى، وكمان هو شايف إنى بعد ما ذهبت للاسكندرية ومش عاوزة أوضح أنا روحت بيتنا إزاى أنا روحت مشى، والمنتج قالى مش هتشتغلى”.
وأنهت الفنانة:ـ “ولكن مساعد المخرج الأُستاذ عبدالشافى عبدالقدوس أكدلى بأنى هكون نجمة كبيرة ومشهورة جداً وقالى خيرها في غيرها، وأنا من مكانى حابه أقول للأولاد الصغار إنتوا مشفتوش حاجه.. إحنا شوفنا اللى محدش شافة في الحياة”.
