صرحت الفنانة المعروفة وفاء عامر، على أن هناك الكثير من الزوجات اللتى يتفاجئن عند معرفتهن بزواج أزواجهن عليهن منذ فترة، وعلقت قائلة:ـ “كتير من السيدات بتعرف إن جوزها إتجوز عليها من زمان، ودى بتبقى فعلاً صدمة كبيرة في حياة الزوجه”.
وقامت الفنانة بالحديث عن موقف مُحرج لإحدى صديقاتها، والتى علمت بزواج زوجها عليها بعد أن مات وقالت:ـ “أنا أعرف واحدة صديقتى لبست أحمر يوم عزاء زوجها وده علشان هى كانت بتحبوا أوى، وفجأة عرفت إنوا كان متجوز عليها ولما روحنا نعزيها لاقيناها طلبت تلبس جاكيت أحمر وإلا مكتش هتحضر العزا”.
وعلقت الفنانة وفاء من خلال تصريحات تليفزيونية، على زيادة مُعدل نسبة الطلاق في مصر وقائلة:ـ “الطلاق في مصر بقى كتير أوى والنسبة زادت جداً، وأنا مش هقول إنى ضد الطلاق لكن اللى ممكن أقوله إن الطلاق يحدث كما قال الله تعالى أن أبغضه وأبعده ويكون آخر حاجه”.
وتكلمت الفنانة عن أسباب زيادة نسبة الطلاق من وجهة نظرها قائلة:ـ “أنا موافقه على الطلاق لما يكون الزوج بخيل، ولما يكون كسيب ومش بيقول لمراته هو معاه قد إيه وحارم مراتو وبيتو من وجود طاقة إيجابية مع أولاده، وكمان لما بيكون في حاجة ممكن تأثر على أخلاقيات أولاده.. ممكن يكون بشرب أو بيعمل حاجات كتير مش صح وهو مش مثل أعلى لأولاده”.
وأنهت الفنانة وفاء عامر وقالت:ـ “وكمان ممكن يكون مش مهذب وبيهين مراتو لأبعد حد وبصورة مستفزه فده بيكون مريض.. كل العوامل دى مع بعض، وكمان حابه أقول مفيش راجل هيعمل موقف شاذ وسط اسرته إلا لو في شئ ضاغطه بره، والمفروض علينا نديه فرصة تانية.. ومش من أول غلطة يتحاسب عليها”.
