كشفت الفنانة الجميلة شيرين رضا، عن كواليس من حياتها الشخصية، وأيضاً الأحداث التى مرت بها في الفترة ما بين زواجها من المطرب عمرو دياب وإنجابها للطفلة “جنا”، وهى في سن صغير، وتحدثت عن أصعب أيام حياتها عندما رحل والدها الفنان محمود رضا مُصمم الرقصات عن الحياة.
وأكدت الفنانة، أثناء لقاءها بالاعلامى أنس بوخش، والذى يقدم برنامج “ABtalks”، والذى يُعرض من خلال قناته الرسمية على موقع “يوتيوب”، على أنها مرت بالكثير من الأزمات خلال حياتها، وأنها تفضل كثيراً مواجهة مشاكلها، وأشارت إلى أنها لا تشعر بتقدم سنها وترى نفسها دائماً في سن الـ 28 عام ولم تكمل الـ 30.
وأضافت شيرين وقالت:ـ” كنت فرحانة أوى لما أبويا مات، وده علشان كان أخر فترة في حياته بيعانى من المرض، وأنا كنت زعلانه عشانه، ويمكن ده السبب اللى خلانى مزعلش وحسيت إنوا إترحم وإرتاح من الألم، وعلى فكرة والدى بيوحشنى أوى.. بس مش في فترة عياه”.
وتحدثت الفنانة خلال اللقاء، عن وجة نظرها التى كونتها عبر الكثير من السنوات في التعامل مع البشر، وعلقت قائلة:ـ “بقيت بحس إن الجيل الجديد مش هيتجوز، وده عشان المسئوليات اللى بقت كتير بصورة مُبالغ فيها، ومبقاش في حاجة اسمها حب، وكمان من المشاكل اللى بشوفها في الوقت الحالى إن العرب أغلبهم كدابين، ويمكن ده السبب اللى بيخلينا نحلف بالله كدب، ولكن في أمريكا مثلاً الكدب موجود بس قليل، وبتلاقى هناك مفيش حد بيحلف”.
وأما عن أكثر الأمانى التى لم تُحققها، قالت:ـ “بجد نفسى يكون عند إخوات، وعلى مدار السنين اللى فاتت كونت صدقات كتير جداً، ولكن كان نفسى يكون ليا إخوات، وده علشان كل يوم بقابل أصحابى وفى الآخر كل واحد بيروح، وعلى فكرة أنا جيت بعد كذا سنة من زواج والدى ووالدتى، ويمكن يكون ده السبب اللى خلى والدتى مجنونة بيا وبتهتم بكل شئون حياتى، بس كانت بتزعق ليا كتير وكانت بتخاف عليا، وأنا معملتش كده مع بنتى”.
