شيرين عبدالوهاب بعد الهجوم عليها بسبب عودتها لـ طليقها: هعيش في النور وهاكل أنا وجوزى فول وطعمية

صرحت المطربة الجميلة شيرين عبدالوهاب، وذلك في أحدث ظهور لها بعد خروجها من المستشفى وتعافيها، بأنها عادت لطليقها الفنان حسام حبيب مرة ثانية، وعلقت قائلة:ـ “خلاص هعيش في النور وهنزل أنا وجوزى وناكل طعمية وفول وسط الناس، وبجد كنا ناوين نعمل الموضوع ده النهاردة”.

وتابعت الفنانة، من خلال تصريحات تليفزيونية وقالت:ـ “الاعلامية المعروفة نضال الأحمدية أول ما سمعت بخبر عودتى لحسام فرحت، وراحت باعته بوكية ورد، وكمان دعت لينا بصلاح الحال والتوفيق فيما هو أت”.

وأضافت الفنانة:ـ “وياريت الناس تصدقنى أنا زى أى بنت خارجة من بيت ومتربية على قيم ومبادئ، ومن أهم القيم دى إنى أحط جوزى على راسى من فوق، وياريت الناس تسامحنى على اللى حصل وأمور بيتى مش ممكن حد يعرف عنها حاجة تانى أبداً، وأنا حابه أوجه الشكر لكل الناس ويأتمناكم إنكم تناموا النهاردة سعداء ومبسوطين من الخبر”.

وجديراً بالذكر، بأن الفنانة شيرين عبدالوهاب أكدت خلال مداخلة هاتفية مع الاعلامى عمرو أديب أمس، والذى يقوم بتقديم برنامج “الحكاية”، والذى يُذاع من خلال فضائية “mbc مصر”، وقالت:ـ “تم عقد قرانى على حسام حبيب اليوم الساعة الـ 9 مساءً، وأنا عاوزة اعتذر لحسام وأقفل فقرة حياتنى الشخصية مع الناس، وده علشان الناس إنشغلت بى كثيراً الفترة الماضية وسط مشاكلهم الخاصة، وكل اللى حصل إنوا شيطان إتوجد بين شخصين متزوجين وبحمد ربنا إنى الموضوع إنتهى على خير”.

وأنهت الفنانة:ـ “ومش هقدر أقول إنى في حد عملى عمل.. بس الأكيد إن الكلام ده مذكور في القرأن، وكمان سيدنا محمد عليه الصلاة والسلام الناس اختلفت عليه وهو خير البشر، والمفروض إننا ناخد من قصة الرسول عبرة لنا وعظة، وفى النهاية حسام شخص طيب وأهله ناس كويسة، وصدقونى المرة دى مفيش أُمور شخصية”.