قامت الفنانة الجميلة رانيا يوسف، بالحديث عن الانتقادات التى تتعرض لها باستمرار على مواقع التواصل الاجتماعى، وذلك بسبب ملابسها التى وصفها الجميع بالجريئة، وأكدت على أنها لن تقوم بأى تغير أبداً لإرضاء أى شخص.
وأكدت الفنانة، أثناء استضافتها مع الاعلامية ياسمين عز، والتى تقوم بتقديم برنامجها الشهير “كلام الناس”، والذى يُذاع من خلال فضائية “mbc مصر”، وقالت:ـ “بجد مش عارفة الناس بتقول ليه عليا جريئة، وأنا بنزل صورى بالمايوه، وده علشان أنا طول عمرى بلبس شورت ومايوه ومش هتغير عشان أرضى أى شخص، ولو مش عاجبك متابعنيش، وكمان بناتى بيقولوا ليا خليكى على راحتك وحريتك، وهما واخدين منى قوة الشخصية بحكم اللى شافوه معايا”.
وتابعت الفنانة:ـ “أنا ممكن أوى أكون بمليون راجل، وده عشان أنا بشتغل من سن 16 سنة، وشايلة مسئوليات وإتعودت إنى أصحى الصبح وأعمل كل حاجة بنفسى، ومش محتاجة حد يعملى حاجة، وبجد كنت بتمنى إنى أكون دلوعة، ولكن الدلع له عيوب بردوا، لأن لو الشخص اللى مُعتمدة عليه دا راح حياتى كلها هتقف”.
وتحدثت الفنانة خلال اللقاء عن خلافها مع الفنانة غادة عبدالرازق، بعد أن تصالحا وقالت:ـ “حقيقى بحمد ربنا إن محدش فاكر مشكلتى مع الفنانة غادة عبدالرازق، وده عشان أنا بنسى أى حاجة وحشة بسرعة وشخصية مُتفائلة دايماً”.
وأنهت الفنانة وقالت:ـ “وطول عمرى بفرض حسن النية في اللى أمامى، وبجد غادة لها رصيد كبير عندى وبينا عشرة، ومش بيكون بنا تفاهم على المستوى الفنى، ولكن أهدافنا واحدة على المستوى الإنسانى، والفنانة أصلها طيب وكريمة وست جدعة، وإحنا إتصالحنا من السوشيال ميديا لأننا بنعمل لبعض ليك، وعلى طول بندعى لبعض وبنتمنى الخير لبعض وقابلنا بعض من فترة”.
