أثارت الفنانة رانيا يوسف، الكثير من الجدل خلال الساعات القليلة الماضية، بعد أن كشفت عن عدد زيجاتها، وأشارت إلى أن زواجها من المنتج محمد مختار كان الأفضل من بين الـ 3 زيجات، وتحدثت أيضاً عن ابنتيها وأنهما يشجعانها على قرار الزواج للمرة الرابعة.
وأكدت الفنانة، أثناء استضافتها ببرنامج “The blind data show”، وقالت:ـ “اتجوزت 3 مرات، وأول جوازة ليا هي الأنجح والباقيين مكنوش ناجحين، وبجد لسه عندي أمل في الزواج تاني وبناتي مشجعني على التجربة دي، وكمان علاقتي بأبو البنات مش كويسة خالص، وحقيقي كنت بتمنى من ربنا إننا كنا نفضل اصحاب”.
وأضافت رانيا:ـ “ووارد جداً إني أحب جبيب صاحبتي، ولكن ده لو منفصلين من فترة كبيرة، ولو ورايا معاد وهقابل شخص بناتي هما اللي بيختاروا لبسي، وهما مُتفتحين شوية، وبجد أنا بحب ألبس اللي بيليق عليا سواء كان طويل أو قصير أو مقفول”.
وواصلت الفنانة:ـ “زيجتي التانية القرار كان غلط، والشخص مكنش مناسب، وزيجتي التالتة كانت ضغط من اولادي وضغط من اولاده، والمفروض إن الرجالة هى اللي تدلع الستات مش العكس، ولكن أنا بعرف أدلع الراجل بطريقتي، وقرار انفصالي كان صعب، ويمكن يكون ده السبب اللي خلانى أقص شعري علشان أعرف أفكر”.
وجديراً بالذكر، بأن آخر اعمال الفنانة رانيا يوسف الدرامية مسلسل “عالم تاني”، وشاركها البطولة كلاً من “نضال الشافعى، وفريال يوسف، ومروة عبدالمنعم، وسميرة صدقى، وأيمن عزب، وإلهام عبدالبديع، وحسام فارس، وتميم عبده، وصوفية، ومصطفى حشيش”، وغيرهم الكثير من نجوم الفن، والعمل من تأليف اسلام يوسف ومن اخراج عبدالعزيز حشاد.
