أثارت الفنانة الجميلة رضوى الشربينى الكثير من الجدل خلال الساعات القليلة الماضية، بعد أن كشفت عن مواصفات فتى أحلامها، وأشارت إلى أنه يجب أن يكون رجل قادر على حسب ما قالته.
وأكدت الفنانة، أثناء استضافتها ببرنامج “أنا والقناع”، والتى تقوم بتقديمة الاعلامية منى عبدالوهاب، والذى يُذاع من خلال فضائية “cbc”، وقالت:ـ “أنا مواصفات فتى أحلامي يكون قادر.. قادر بمعنى الكلمة، وده علشان أنا ست قادرة.. ده بمعنى العفو عند المقدرة، وهو إما يكون قادر يكون قوي، وساعتها هيقدر يعدي الهفوات اللى بعملها”.
وتابعت رضوى:ـ “وهيعرف كويس يكبر دماغه، ومش هيحاول يبص على عيوبي ولا هيحاول يتلككلي، وأنا عاوزاه عنده شخصية وقوى ويسألنى هتساعدي دي إزاي وهتعملي في ديه إيه، وهتعملي إيه في البرنامج ده.. نفسى في راجل قوي وقوته دى يستعملها معايا مش عليا”.
وأضافت الفنانة:ـ “وأهم مميزات الرجل القوى القادر إنه لما يكون مش عاوزني مش هيعمل حاجة تجرح رضوى الشربينى، وهيقعد معايا زى ما أنا وإنتى قاعدين كده وهيواجهني وهيقولها أنا أسف مش قادر أكمل معاكي، ومن أهم مواصفاته إنه يكون راجل ناجح في شغله وحياته، ومكنش أنجح منه ولازم يكون عنده طموح، ومهم أوي يكون بيتقى ربنا في البني آدمين ومش أنا أولهم.. أولهم لازم يكون مامته وباباه”.
وأنهت الفنانة حديثها:ـ “ومهم جداً في الراجل اللي هرتبط بيه يكون بيحبنى ويعرف يتعامل معايا لأنى بجد صعبة أوي، ويكون حنين وطيب ودمه خفيف.. بجد مش هقدر أتجوز شخص دمه تقيل أبداً، ولازم يكون شيك أوي كده في نفسه وحلو وخفيف، وخير اللهم إجعله خير صحيت من النوم، وإن شاء الله هلاقي الشخص ده”.
