صرح المطرب الشعبى عمر كمال، بأنه يقوم بتسجيل القرآن الكريم في استديو خاص به في بيته، وقال:ـ “أنا بسجل القرآن الكريم صدقة جارية لنفسى، وأول شخص كلمنى في الموضوع ده كان أخويا وصديق عمرى الفنان أحمد خالد صالح، وقالى في واحد صوته حلو وعاوز يجى عندك يسجل قرآن”.
وأكد الفنان، أثناء استضافته ببرنامج “حبر سرى”، والتى تقوم بتقديمة الاعلامية المعروفة أسما ابراهيم، والذى يُذاع من خلال فضائية “القاهرة والناس”، على أنه إنشغل بعدها ولكن له استديو تسجيل بالمهندسين، وأشار إلى أن تحت منزله مسجد، وأن إمام المسجد صوته جميل جداً وطلب منه التسجيل.
وأضاف عمر:ـ “وأنا طلبت من إمام المسجد يجى يسجل عندى، وقلت له ما تيجى تسجل القرآن الكريم عندى، واللى صوته جميل يطلع يسجل عندى معنديش مانع، وأنا بعتبر الأمر ده صدقة جارية ومش إزدواجية”.
وجديراً بالذكر، بأن المطرب عمر كمال بكى بعد أن كشف عن كواليس من حياته الشخصية والفنية، أثناء استضافته ببرنامج “يحدث في مصر” مساء الخميس الماضى مع الاعلامى شريف عامر، وقال:ـ “أنا تعبت أوى في حياتى علشان أوصل للناس، وناس كتير ظلمتنى وخصوصاً في عام 2022، وكمان جالى كمية كومنتات كراهية مكنتش حاببها”.
وتابع المطرب:ـ “كل الناس كسرت بخاطرى، ولما جيت من السويس للقاهرة مكنش معايا غير 10 جنيه في جيبى، وكنت بقول لنفسى ساعتها بالـ 10 جنيه يإما أنجح وأكسر الدنيا أو أفشل وأروح أستخبى في أى بلد تانية، وأول مرة أغنى في فرح شعبى كان موال والناس طلبت منى أنهى بسرعة، وكمان خطيبتى الى جبتها كسرتنى وحسستنى إنى مشرفهاش”.
