دخل المطرب الشعبى عمر كمال، في نوبة بكاء شديدة على الهواء، بعد أن كشف عن الكثير من المواقف الصعبة التى مر بها خلال حياته، وأكد على أنه عانى الكثير وأن الجميع كان ينتقده منذ الصغر.
وأكد الفنان باكياً، أثناء استضافته ببرنامج “يحدث في مصر”، والذى يقوم بتقديمة الاعلامى شريف عامر، والذى يُذاع من خلال فضائية “mbc مصر” مساء الخميس الماضى، وقال:ـ “بجد تعبت أوى في حياتى عشان أوصل للناس، وكمان ناس كتير ظلمتنى أوى وخصوصاً السنة اللى فاتت (2022)، وكان فيها كومنتات كراهية مكنتش حاببها أو حابب أشوفها”.
وأضاف الفنان:ـ “الناس كلها كسرت بخاطرى، ولما جيت من السويس على القاهرة كان معايا 10 جنيه بس، وكنت بقول لنفسى ساعتها بـ 10 جنيه دى هنجح وأعمل كل حاجة أنا عاوزها، أو هفشل وأستخبى في أى بلد تانية، وأول مرة ليا أغنى في فرح شعبى كان موال والجمهور طلب منى إنى أنهى الفقرة بسرعة، وكمان خطيبتى اللى جبتها كسرتنى وحسستنى إنها مش متشرفة بيا نهائى”.
وتابع عمر:ـ “والحمد لله ربنا رضانى، ومن بعدها إتأكدت إن الرزق بييجى للواحد لحد عنده بس المهم إنوه يكون راضى، وبجد في 2023 بتمنى إنى أتجوز واحدة تحافظ عليا وتراعى ربنا فيا، وكمان تحبنى لشخصى وأبقى مستقر في حياتى وربنا يرزقنى ويرزقها، وبجد عاوز واحدة تحبنى وبتمنى تكون ذكية وتفهم طبيعة عملى، وده علشان أنا طول اليوم بقعد أفكر لوحدى، وأنا عاوزها تساعدنى وتخفف عنى وترتب حياتى، وياريت تكون حلوة عشان مش عاوز أبص برة”.
