ميرهان حسين بـ “القاهرة السينمائى”: عملت تسريحة شعر السيندريلا في فيلم “زوزو” علشان حسين فهمى الواد التقيل

أبدت الفنانة الجميلة ميرهان حسين، عن بالغ سعادتها  بخصوص حضورها افتتاح مهرجان القاهرة السينمائى الدولى في دورته الـ 44 برئاسة الفنان حسين فهمى، والذى أُقيم يوم 13 نوفمبر الماضى ومن المقرر ان ينتهى يوم الثلاثاء 22 نوفمبر الحالى، وأكدت الفنانة على حرصها الشديد على حضور فاعليات المهرجان، حيث تعتبره وجهة مُشرفة للفن.

وأوضحت الفنانة في تصريحات مع “القاهرة 24″، على أنها في غاية السعادة والفرح بهذه الدورة، وتحاول جاهدة على حضور جميع الفاعليات، وعلقت قائلة:ـ “إن شاء الله هحاول أكون موجودة في الفاعليات، ولكن غصب عنى ساعات مواعيد شغلى بتخلينى مقدرش أحضر، وأول ما بلاقى الظروف متاحة باجى على طول، وده علشان المهرجان السنة دى حاجة مُشرفة”.

وتابعت الفنانة:ـ “حبيت أقدم نفسى بصورة مستوحاه من الراحلة سعاد حسنى، وكمان تسريحة الشعر خدتها من فيلم (زوزو) اللى كلنا عارفينه وبنحبه، وأنا طول الوقت في البيت بعمل التسريحة دى، ولكن حبيت أوى أعملها بالمهرجان.. اللى برئاسة الواد التقيل الفنان حسين فهمى”.

وقامت ميرهان حسين، بالتطرق والحديث عن عودة المطربة شيرين عبدالوهاب لطليقها الفنان حسام حبيب خلال الفترة القليلة الماضية، وقالت:ـ “بجد أنا مش شايفة خلاص.. أنا تعبت أوى من الموضوع ده ومن تصرفات شيرين الفترة اللى فاتت.. وفى النهاية ربنا يسعدها ويصلح حالها في اللى جاى”.

وأما عن مواصفات فتى أحلامها، علقت قائلة:ـ “يكون دمه خفيف وراجل بجد وأقدر اعتمد عليه.. الحياة بقت صعبة أوى والرجالة كمان بقوا أصعب، وأنا عاوزة راجل أتسند عليه في ظروف شغلى الفترة اللى جاية”.