“كنت فاهمة حاجة وطلعت غلط”.. ميار الببلاوى تكشف عن سبب تراجعها عن تصريحاتها في قضية وفاء مكى

كشفت الفنانة ميار الببلاوى، عن السبب الحقيقى وراء تراجعها عن تصريحاتها، والتى أثارت بها جداً كبيراً خلال الساعات القليلة الماضية، والتى أشارت فيها إلى براءة وفاء مكى من تهمة الخادمتين والتى سُجنت بسببها، وأوضحت بأن وفاء تكذب وظهر طرف آخر في القضية.

وأكدت الببلاوى، من خلال تصريحات لها مع القاهرة 24 عن سبب تراجعها في تصريحاتها، وأوضحت بأنه ظهر طرف جديد في القصة، وعلقت قائلة:ـ “حفيدة الست اللي جابتلي الخادمتين قالتلي إن جدتها كدابة، وده علشان هي قالتلي إنها جايبة البنتين من عند وفاء، ولكن الحقيقة إنها كانت جيباهم من أجازة مش من عند وفاء، وهما ساعتها مكنوش مُصابين علشان جايين من أجازة، وده مش دليل كافي على براءة وفاء”.

وأضافت ميار:ـ “وفاء كدابة ومش مظلومة ولا بريئة، وعلى فكرة أنا مغيرتش أقوالي بسبب ضعط الناس عليا زي ما بيتقال، والفكرة كلها إني كنت فاهمة حاجة وطلعت مش صح، وهى بالتأكيد اللي عملت الواقعة وأصابت البنات”.

وجديراً بالذكر، فإن ميار الببلاوى قامت بكتابة منشور من خلال حسابها الرسمى على موقع التواصل الاجتماعى “فيس بوك”، والتى أعلنت فيه تراجعها عن تصريحاتها بشأن براءة وفاء مكى في قضيتها، وهاجمت الفنانة وقالت:ـ “الحمد لله ربنا ظهر الحقيقة من شاهد عيان، وكده أنا كنت بأنب نفسي على الفاضي، وسؤال إيه اللي انتي عاوزاه يا وفاء؟”.

وأضافت:ـ “كل اللي أنا قلته إن في موقف حصل لكن كده الموضوع اتحسم.. كفاية بقى، وأنا مقلتش ليكي تدوسي عليه وتدعي البراءة، وده علشان أنا مش بتاجر بالموضوع ورافضة إن حد يقول عليا بجري ورا التريند، وأفضل عايشة معاكم على القنوات والمواقع بالصورة المستفزة دي”.

وأنهت حديثها وقالت:ـ “كان عندي شوية شكوك وموقف حصل وقلتهم، وبحمد ربنا إن الحاجات دي لا كانت هتقدم ولا هتأخر، وحابة أقولك حاجة فين دليل براءتك ده؟، وكل اللي أنا قلته للناس حصل كذا وبس، واللي اتقال ده ليس له قيمة بعد شهادة الشاهد ده”.