قامت الفنانة المُعتزلة ميار الببلاوى، بإثارة الكثير من الجدل حول أزمة الفنانة شيرين عبدالوهاب، حيث أعلنت عن عدم تعاطفها مع الفنانة، وذلك أثناء تقديمها لبرنامج “أحلى الكلام”، والذى يُذاع من خلال فضائية “الشمس”، وقالت:ـ “كلنا تابعنا المشكلة اللى بتعانى منها فنانة كبيرة ومحبوبة، وكمان في ناس كتير هتتجنن عليها”.
وتابعت الاعلامية:ـ “وفى ناس كتير مُتعاطفين معاها.. أسمحو لى أنا مش مُتعاطفة معاها، وده علشان أنا من فترة عملت فيديو وحذرتها وقلتلها يا إما هتتكسرى وترجعى إلى نقطة الصفر أو هتلحقى نفسك وتقفى على رجلك وتكملى، والأكيد إن ربنا مش بيفضح العبد من أول مرة.. في حاجة جميلة أوى اسمها الستر، وأنا لما سمعت إن القصة دى حاصلة من كام سنة، وإنها ربنا يعافينا بتتعاقب، وده علشان هى نزلت لقاع الإدمان، وده في حد ذاته ستر من ربنا.. نسأل الله سبحانه وتعالى أن يُعافينا”.
وأوضحت ميار:ـ “ربنا أعطاكى هدية كبيرة.. إخواتك وأُمك وبناتك، ولو تفتكرى إنى قلتلك نظرة في وش بناتك بالدنيا وما فيها، وعلى فكرة أنا مش بغرد برا السرب.. بس مينفعش نيجى على أهلنا علشان أى حد تانى، ومفيش شخص هيحبك أكتر من أخوكى.. أنا بقوله إنت راجل من دهر راجل وتسلم البطن اللى شالتك، وده علشان إنك وقفت بجانب أُختك في محنتها وحاولت تنقذها”.
وأنهت الفنانة:ـ “والأم الغلبانة اللى عندها 80 سنة، واللى مكنش في إيديها حاجة تقدر تقدمها ليكى غير إنها تستنجد بشقيقك، وهى طردت أُختها اللى راحت قعدت مع بناتها.. الأخوات والأم والأب بس هما اللى بيخافوا عليكى بجد.. همك هو همهم ووجعك وجعهم.. مفيش راجل في الدنيا يستاهل إن الست تدمر نفسها علشانه”.
وجديراً بالذكر، بأن أُسرة المطربة شيرين عبدالوهاب أصدرت بيان صحفى، وأكدت في البيان على تحذير جميع وسائل الاعلام من تداول أى أخبار تخص الفنانة شيرين بخصوص أزمتها الأخيرة إلا من خلال مصدر مؤكد.
