صرحت الفنانة مى عمر، بأنه من المستحيل أن تقوم بالعمل مع غادة عبدالرازق، وذلك بسبب مجموعة من المشاكل القديمة التى دارت مع زوجها المخرج المعروف محمد سامى.
وأكدت الفنانة، خلال لقاءها بالاعلامية أسما ابراهيم، والتى تقوم بتقديم برنامج “حبر سرى”، والذى يُذاع من خلال فضائية “القاهرة والناس”، وقالت:ـ “مستحيل أعمل بطولة مشتركة مع غادة عبدالرازق، والمشاكل اللى بينا قديمة ولكن لازم يكون في كيميا بينى وبين المُمثل علشان نعرف نشتغل مع بعض ونظر بصورة كويسة”.
وأشارت مى، إلى أنه من الصعب أن تُقدم عمل جيد مع الفنانة غادة، وعلقت قائلة:ـ “معنديش يقين إننا نعرف نطلع شغل حلو مع بعض، وده علشان كان في خلاف قديم، ومش معنى إنه إنتهى إننا نشتغل مع بعض.. أكيد الموضوع هيكون صعب أوى”.
وأضافت الفنانة:ـ “والخلاف ده أنا مكنتش موجودة فيه من الأساس، ولكن الموقف اللى حصل كان مع جوزى، وحقيقى هى نجمة موهوبة ومُمثلة شاطرة، ولكنى زعلت عشان جوزى وفى حاجات صعب إنها تتخطاها”.
وأوضحت مى عمر، بأنه من الصعب أن تشارك في تجربة فنية مع فنان لا تكن مُطمئنة معه أثناء العمل، حيث قالت:ـ “محمد رمضان فنان له احترامه، وكمان عملت معاه أول مسلسل ليا (الأسطورة)، وده كان من أهم الأدوار اللى عملتها في حياتى، وبجد بالنسبة ليا هو مش شخص عادى، وكان بيشجعنى وحاجة مهمة في مسيرتى الفنية”.
وأنهت الفنانة حديثها، بالتعبير عن بالغ سعادتها بالعمل مع الفنان حسن الرداد، وقالت:ـ “بجد حسن الرداد دمه خفيف أوى، وعملت معاه شغل وبنعمل فيلم جديد دلوقتى، ولو إتعرض عليا عدة أدوار مع محمد رمضان أو ياسر جلال أو حسن الرداد أكيد هختار الأفضل ليا”.
