صرحت الفنانة هندية بأنها قررت إعتزال الرقص، وأكدت على أنه لم يجبرها أى شخص على هذا القرار، على الرغم من أنها لم تعتزل التمثيل، ولكنها حتى الآن لم تُقدم أى عمل يُضيف لها على حسب تصريحاتها.
وأكدت الراقصة، أثناء استضافتها ببرنامج “كلام الناس”، والتى تقوم بتقديمة الاعلامية ياسمين عز، والذى يُذاع عبر فضائية “mbc مصر”، وقالت:ـ “أيام جوازى من أيمن السويدى رجل الأعمال المعروف، والقصة دى كل الناس تعرفها.. هو سابنى أشتغل شهر واحد بس، وبعدها قعدت سنتين ونصف في البيت، والراجل ده كان زكى أوى وعمره ما منعنى إنى أشتغل، ولكن رده عليا إنوا كان عاوز يقعد معايا، وفى أحد المرات جاب كوب من الماء وحطوا على شعرى علشان مخرجش”.
وتابعت الفنانة:ـ “وفى مرة من المرات قالى انزلى بسرعة عاوزك علشان بابا في المستشفى، وأنا بسرعة نزلت بالروب اللى كنت لابساه فوق بدلة الرقص، وساعتها فضلنا نلف في الشارع وقالى لأ أنا مزاجى إنك متشتغليش النهاردة، وهى دى كانت القفشة اللى حصلت بينى وبينه، وقلتله أنا معايا رجالة محترمة اللى هما الناس اللى شغالين معايا، وهما ضهرى وسندى ومش ممكن أطلع صغيرة معاهم”.
وأوضحت الفنانة، بأنها قررت اعتزال الرقص بعد وفاة شقيقها وقالت:ـ “بعدها بأُسبوع أخويا مات، وأنا ساعتها قلت إنى دى إشارة من عند الله ومش ممكن أرقص تانى أبداً”، وأما عن اعتزالها التمثيل ردت هندية:ـ “أنا مش مُعتزلة التمثيل ولا حاجة، ولكن الكثير من المنتجين كانوا بيبعتوا ليا أدوار مش مناسبة نهائى، وبمعنى أصح لو مش هتضيف ليا جديد يبقى بلاش منها ومش عاوزاها، وفى النهاية أنا بحمد ربنا على كل شئ وعايشة مستورة ومش محتاجة أجرى ورا شغل من أجل العيش”.
