“مشفش فيك حاجه وحشه”.. أول تعليق من حمو بيكا لمنتقديه أثناء مرضه

قام مؤدى المهرجانات المعروف بـ حمو بيكا، بتوجيه رسالة إلى الشامتين والمُتنمرين عليه في مرضه، حيث قام بعمل بث مباشر من خلال صفحته الرسمية على موقع التواصل الإجتماعى “فيس بوك”.

وقال حمو في البث:ـ “أنا النهارده طالع أقول للناس إنى الحمد لله أحسن من الأول بكتير، وأنا لو مسحت البوست ده علشان كمية التنمر.. المرض عمره ما يكون فيه تنمر، وأنا من مكانى حابب أوجه رسالة للمتنمرين.. دى حرية شخصية ليك وربنا ميجبلكش حاجه وحشة”.

وقام بيكا بتوجيه عدة أسئلة للمتنمرين عليه قائلاً:ـ “إنت بتتنمر عليا ليه علشان الكرش؟.. ربنا ما يكتبها عليك، وكمان طلع كتير من الناس وقالولى ربنا يخدك.. على فكرة أنا لو ربنا خدنى هستريح، وده أحسن من إنى أعيش ومش عارف أخد حقى، وياريت كل واحد فينا يسعى ورا حلموا ويسيب غيروا في حالوا”.

وأنهى حمو بيكا كلامه، بتوجيه الشكر لكل محبيه وأصدقائه الذين سألوا عنه أثناء وعكته الصحية حيث قال:ـ “الإنسان اللى يحبنى بدون مقابل ده معدنوا نضيف، أما اللى تنمر عليا وأنا تعبان حابب أقوله ربنا يسامحك ومشفش فيك حاجه وحشة”.

وجديراً بالذكر، بأن حمو بيكا أُصيب بأزمة صحية بعد ساعات قليلة من إنتهاء اللقاء الذى جمعه مع الإعلامية ياسمين عز، والتى تقوم بتقديم برنامج “كلام الناس” عبر فضائية “mbc مصر”.

وصرح حمو خلال اللقاء، بأنه يعانى الكثير من الظلم بسبب رسوبه المتكرر في إختبارات نقابة المهن الموسيقية، وبالتالى عدم حصوله على ترخيص النقابة للغناء داخل مصر.

وفى نهاية اللقاء قام حمو بالبكاء على الهواء، وأكد:ـ “إن إختبارات النقابة لا تُرضى الله، وكمان في مطربين زوروا أوارق وحصلوا على الترخيص بالغناء، وكمان النقابة كل مرة تطلب منى أغنى لـ العندليب وأُم كلثوم، وأنا بحب أقدم أغانى مهرجانات”.