كشفت الفنانة الجميلة غادة ابراهيم، عن كواليس آدائها لمناسك العمرة للمرة الأولى في حياتها، وأشارت إلى أنها قامت بآدائها في 5 ساعات، وعللت السبب في أنها لم تعرف مناسك العمرة.
وأكدت الفنانة، عن تواجدها الآن لآداء مناسك العمرة بالمملكة العربية السعودية، وذلك من خلال تصريحات لها مع القاهرة 24 وقالت:ـ “بجد الحمد لله رب العالمين.. ربنا استجاب لدعائى ونولهالى، ودى أول مرة في حياتى أجى السعودية، والحمد لله ربنا حقق أُمنيتى وبعمل عمرة.. طاقة وراحة نفسية، وحقيقى راحة إيمانية حلوة”.
وتابعت الفنانة:ـ “والناس هنا كلها مُبتسمة وجميلة وروحهم حلوة، وكل الناس بتعمل العمرة في ساعة أو ساعتين تقريباً، ولكن أنا عملتها في 5 ساعات علشان أول مرة، وبجد محستش بإرهاق أو تعب، ويارب إكتبها لكل الناس اللى نفسها تعمل عمرة، ويكتبها لكل مُشتاق ودى أول مرة ليا بس حبيت المكان أوى”.
وأضافت غادة:ـ “والمفروض إنى أطلع الفجر على المطار، وبجد والله مش عاوزة أمشى.. حبيت المكان أوى، وهنا في السعودية كل الجنسيات متواجدة، وأنا صورت أفواج من مُختلف الحنسيات العربية والأوربية، ودى أول مرة ليا وإن شاء الله مش هتكون آخر مرة، ويارب إكتب ليا الحجة الكبيرة”.
وأنهت الفنانة غادة حديثها وقالت:ـ “والعمرة دى خدت منى وقت طويل حوالى 5 ساعات، وده علشان أول مرة ومكنتش عارفة المناسك، وكمان الناس اللى كانت معايا مكنتش تعرفها، وفضلنا نسأل لعد ما عرفنا، وعملت عمرة لوالدى ومخدتشى منى وقت زى الأولى، وتعبت شوية في العمرة الأولى بسبب جهلى بالمناسك والعبادات والصلوات، وبين الصفا والمروة، والعمرة التانية عملتها بسهولة رجلى خدت وحفظت كويس”.
