قامت الفنانة غادة عبدالرازق، بالحديث عن الوشوم التى قامت برسمها على جسدها، وأشارت إلى أنها تريد التخلص منها في أقرب وقت ممكن، موضحة بأنها تخاف كثيراً في الوقت الحالى من فكرة الموت.
وأكدت الفنانة، من خلال ندوتها بـ القاهرة 24 وقالت:ـ “أنا عندي كام تاتوه على جسمي، ولكن عاوزة أشيلهم علشان في حد قالي إنهم حرام، ولما الواحد بيروح عند ربنا بيضطروا يشيلوا طبقة من الجلد وقت الغُسل، وأنا خايفة أوي من الموضوع ده “.
وتحدثت عبدالرازق عن الموت وقالت:ـ “وطبعاً أنا بخاف من الموت، وده ميمنعش إني أكيد بحب ربنا، ويمكن الخوف يكون نابع من إن الناس دايماً بتخاف من المجهول، وعموماً طبيعي جداً إننا نخاف من الموت”.
ومن جانبها، فقد شاركت الفنانة غادة عبدالرازق في السباق الرمضانى للعام الحالى 2023، بمسلسل “تلت التلاتة”، وحققت الفنانة الكثير من النجاح من خلال العمل وقت عرضه، وشاركها البطولة مجموعة كبيرة من نجوم الفن أبرزهم “أحمد مجدى، ومحمد القس، ومى سليم، ومصطفى درويش، وصلاح عبدالله، وليلى أحمد زاهر، ونجوى فؤاد”، وغيرهم، والعمل من إخراج حسن صالح.
وجديراً بالذكر، بأن غادة عبدالرازق صرحت في حوار سابق لها مع القاهرة 24، عن سبب عدم مشاركتها في السباق الرمضانى لعام 2022، حيث قالت:ـ “لم أُشارك في رمضان اللي فات، وده علشان مكنتش مؤهلة للعمل والتواجد على الساحة الفنية، والخطوة دي كانت في مُخططاتى من 3 سنوات، وكنت عاوزة أخدها والكل كان بيضغط عليا علشان أشارك في عمل جديد”.
وتابعت الفنانة:ـ “ولكني خدت الخطوة دي العام الماضي، وصممت إني مبقاش موجودة في رمضان مهما حصل، وده علشان أنا كنت في حاجة لأخذ برهة من الوقت لأستريح وأعيد حساباتي، وساعتها أقرر إيه اللي أعمله وإيه اللي معملوشن، وكل اللي أنا عاوزاه إنى استمتع وأمتع الجمهور”.
