كشفت الفنانة الجميلة درة، عن كواليس من حياتها الشخصية وعلاقتها بزوجها رجل الأعمال المعروف هانى سعد، وأكدت على أنه أهم شخص في حياتها اليوم، وأشارت إلى أنه لم يكن في باله أن يتزوج من مُمثلة.
وأوضحت الفنانة، من خلال تصريحات تليفزيونية وقالت:ـ “فى بينا أصحاب قريبين واتقابلنا في أكتر من مناسبة، وبجد مكنش في تواصل بينا، وفى البداية تواصلنا على السوشيال ميديا، وأُعجبت بيه لأنه ناجح في عمله وكون نفسه بنفسه، وأنا في الأول كنت شايفاه صديق، ولما قعدنا مع بعض واتكلمنا حسينا إن في حاجات كتير مشتركة بينا، ومن ساعتها تكونت بينا مشاعر جت بالتدريج.. الحقيقى أو الصح بيجى واحدة واحدة مش من أول نظرة زى الناس ما بتقول”.
وتابعت الفنانة:ـ “بجد أنا كان عندى إحساس إنوا هيكون زوجى حتى لما كنا بنتخانق.. كان في حاجة جوايا بتقولى إنه هيكون شريك حياتى كأنها حاجة شايفاها، وحقيقى ده إحساس ملوش علاقة أبداً بصفات الشخص”.
وأضافت درة:ـ” وهو مكنش في بالوا إنوا هيتجوز من مُمثلة أبداً، وفى أول ما عرفنى كان فاكر إنى تنكة ومش سهلة، ولكن في ناس مشتركة بينا هما اللى وصلوا له الإحساس ده، ولما تعرف عليا اكتشف إنى عبيطة مش تنكة، وعلى فكرة أنا متعودتش إنى أحكم على شخص إلا لما أعاملوا وأقرب منه وأعرفه”.
وحينما سؤلت عن أكثر الأشياء التى جذبتها لزوجها قالت:ـ “بجد كان بياخد بالوا من أدق تفاصيلى، وكمان الحاجات اللى بحبها.. حتى الحاجات البسيطة، وحقيقى حبيت فيه خفة دمه، وده علشان الحياة فيها مشاكل كتير وأوقات صعبة أكتر، وبجد بيكون واحد تانى لما بيقفل”.
وأنهت الفنانة درة حديثها وقالت:ـ “الزواج مش كل يوم أحلى حاجة، وإحنا بنعيش أوقات صعبة مع بعض، وفكرة إننا نعدى مع بعض الأوقات الصعبة هو ده الى بينجح العلاقات”.
