أثارت الراقصة الجميلة دينا، الكثير من الجدل خلال الساعات القليلة الماضية، بعد أن كشفت عن كواليس من حياتها الشخصية، وأكدت بأنها تزوجت 9 مرات خلال حياتها، وأوضحت بأنها تعرضت للخيانة من أغلب أزواجها.
وأكدت الفنانة، أثناء استضافتها ببرنامج “كلمة أخيرة”، والتى تقوم بتقديمة الاعلامية المعروفة لميس الحديدى، والذى يُذاع من خلال فضائية “on”، وعلقت قائلة:ـ “أنا إتجوزت في حياتى 9 مرات، والرقم ده بالنسبة ليا قليل، وده علشان أنا بنافس الراحلة تحية كاريوكا اللى إتجوزت 13 مرة في حياتها”.
وتابعت الفنانة:ـ “أكتر جوازة كانت 5 سنين وشوية، وأقل جوازة كانت سنة واحدة، وسامح جوزى ربنا أراد إنى أقعد على ذمته سنيتن بس، وأكتر واحد حبيته مكنش معروف وانفصلنا علشان طبيعة شغلى اللى من الصعب على أى شخص إنوا يتحملها”.
وأوضحت الراقصة دينا خلال اللقاء، عن أن أسباب انفصالها عن معظم زيجاتها وهى الرقص، وأكدت على أنها من الصعب أن تترك هذه المهنة، وأن الرقص بالنسبة لها يعنى الحياة، وعلقت قائلة:ـ “ببدى الرقص على أى حاجة في حياتى، ودى وجهة نظرى ومش هغيرها أبداً، ولو إتنازلت عن الرقص هطلب حاجات كتير، وحرام أطلب حاجات من شخص وأنا عارفة إنوا مش هيقدر يعوضنى”.
وأضافت الراقصة دينا:ـ “وأنا لو سيبت مهنة الرقص هبقى واحدة تانية مكسورة، ومتاخد منها حاجة بتحبها، وزى الأم اللى إتاخد منها إبنها، وحقيقى مفيش حد هيعرف يعوضنى عنها، واللى عاوز يرتبط بيا بقوله شرطين مهمين، وهما الأول إنى مش هسيب مهنتى أبداً، والتانية إنوا لو زهق ميبصش برا ويجى يقولى وأنا همشى والموضوع يخلص بالراحة”.
وأنهت الفنانة حديثها، عن أنها تعرضت للخيانة من أغلب أزواجها وقالت:ـ “إتخنت كتير لأنى مكنتش فاضية، وده علشان طبيعة شغلى واللى كانت بتبدأ من الساعة الـ 9 مساءًا وبتخلص في الـ 6 صباحاً، وبجد الراجل اللى يتحمل ست بتشتغل في الوقت ده ياخد جائزة نوبل”.
