قام الفنان أحمد العوضى، بإنهاء الجدل الذى أُثير خلال الساعات القليلة الماضية حول إنفصاله عن زوجته الفنانة الجميلة ياسمين عبدالعزيز، حيث تم تداول الكثير من الشائعات حول إنفصالهما، وذلك بسبب عدم سفر الفنان مع زوجته للخارج لكى تستكمل علاجها في “جنيف” بسويسرا.
وقام الفنان العوضى، بنشر صورة تجمعه مع زوجته من خلال حسابه الرسمى على موقع التواصل الاجتماعى “فيس بوك”، وكتب تحتها:ـ “مهما حصل بينا.. هتفضلى كل حاجة في حياتى، وهفضل أحبك طول عمرى”، وكان الفنان قد علق أمس على حساب أحد الاعلاميين والذى قام بالترويج حول إنفصاله عن زوجته وكتب:ـ “والنبى مش ناقصة هبد.. الله يرضى عليك بطل هبد وهرى على الفاضى”.
وأكمل الفنان العوضى:ـ “اللى بلغك كدب عليك.. والفنانة ياسمين لسه مراتى، وكمان مفيش ربع كلمة من اللى إنت قولتها صح.. الكلام اللى إنت بتقوله مش مظبوط.. ياريت متحطش السم في العسل، وعلشان مش عاوز أظلمك أو اللى قالك حاجة أكيد بيضحك عليك، ولو حد قالك حاجة إبقى إتأكد من الكلام الأول، وأما لو إنت بتخمن من نفسك فأنا حابب أقولك كلامك كله غلط وليس له أساس من الصحة”.
وأنهى الفنان:ـ “أنا سكوتى كان علشان في خلاف عادى جداً بيحصل بين أى زوجين، والفنانة ياسمين عايشة على طبيعتها وبتلقائية وقامت بالتعبير عن زعلها زى أى أُخت من إخواتى لما بتكون زعلانه، وهى بعيداً عن النجومية والفن بتتعامل بطبيعتها وبتلقائية، وأنا حابب أقصر المسافة على الناس ومنعاً للقيل والقال أنا بقول لزوجتى ياسمين إنى بحبها جداً، ومش ممكن أعيش لحظة من غيرها، وكمان اللى بينى وبينها أكبر بكتير من أى كلام فاضى أو أى خلافات ممكن تحصل بين زوجين”.
