قام الفنان المعروف أحمد فلوكس، بالهجوم على المخرج المشهور هادى الباجورى، وذلك بعد التصريحات المثيرة للجدل التى صرح بها الباجورى خلال اللقاء الذى جمعه بالإعلامية ياسمين عز، والتى تقوم بتقديم برنامج “كلام الناس”، والذى يذاع من خلال فضائية “mbc مصر”.
حيث قال هادى:ـ “أنا معنديش أى مشاكل في إن ياسمين رئيس زوجتى تعمل مشاهد رومانسية في أعمالها، وأنا مش ممكن أقول غير كده، وده علشان أنا بعمل مشاهد رومانسية فإزاى أقولها لأ؟.. على طول هتقولى إنت منافق”.
وقام الفنان أحمد فلوكس، بنشر صورة للمخرج من خلال حسابه الشخصى على موقع التواصل الإجتماعى “فيس بوك” وعلق عليها قائلاً:ـ “ناس مين اللى تسيب زوجاتها وبناتها تلبس مايوه عريان.. أنا مش فاهم إتكلم عن نفسك ياريس وعن نوعك بس”.
وتابع فلوكس:ـ “إنت مفيش عندك مشكله إن مراتك تتباس.. دى مشكلتك مش مشكلتنا، وكمان إنت حر براحتك.. لكن ده نوعك وده إنت لكن غيرك لأ، وياريت نتقى الله في اللى بنقوله”.
وأنهى أحمد:ـ “هو يعنى فيه واحد بيشم يبقى كل الناس زيه شمامة، وكمان لو فيه واحد فاشل يبقى كل الناس تبقى فاشلة زيه، وللأسف الشديد الكلام كله متاخد عنوان، وكمان أنا مش فاهم يعنى ولا عمل ليه ناجح حتى الفنانة شيريهان رجوعها سواء للمسرح أو إعلان مش لازم أتكلم ولا كأنها رجعت، وكمان لسه أساساً بيشتغل، وإمتى المهنه دى تتظبط وتنضف بقا.. خلوها تنضف”.
وجديراً بالذكر، بأن أخر ما قدمه الفنان أحمد فلوكس على شاشة السينما فيلم “الممر” عام 2019، وقد حقق الفيلم نجاحاً كبير بعد عرضه مباشرةً، وشارك الفنان البطولة كلاً من “أحمد عز، هند صبرى، أحمد رزق، أحمد صلاح حسنى، محمد فراج، أمير صلاح، أسماء أبواليزيد”، وغيرهم الكثير من نجوم الفن، وقام على تأليف وإخراج الفيلم شريف عرفه.
