أثارت الإعلامية والكاتبة ياسمين الخطيب، جدلًا واسعًا بسبب التصريحات التي أدلت بها بشأن الأهلي والزمالك.
حيث قالت: “النادي الأهلي برضه عنده مشاكل بس مش مسلط الضوء عليها.. وجمهور الزمالك بيدعم اللاعيبة مش بيشتمها وشعاره سنظل أوفياء والشعار ده نابع من سلوك الجماهير اللي بتساند النادي في وقت المحنة”.
وأضافت: “الزمالك دلوقتي وضعه سيء جدًا.. وبوجه لهم كلمة بقولهم بصوا للجمهور شوفوا بيحبكوا قد إيه وبيدعمكم وواقف جنبكم إزاي.. لو بصوا للجمهور ده بعين الإنصاف هياكلوا النجيلة”.
وتابعت: “بستغرب من الناس اللي بتقول كان المفروض ينزل فلان.. عشان المدرب ليه وجهة نظر في ده.. فمش بحب تدخل المشجعين في شغل الإدارة والجهاز الفني”.
الجدير بالذكر أن ياسمين الخطيب، قد أعلنت طلاقها من المنتج رمضان حسني، في يونيو الماضي بعد زواج دام 10 أشهر.
ياسمين الخطيب، هي مذيعة وكاتبة وفنانة تشكيلية من مواليد 1981، لأب مصري وأم تركية لبنانية، والدها الناشر سيد الخطيب، وجدها عبد اللطيف الخطيب، صاحب أكبر مطبعة في مصر والشرق الأوسط في الأربعينيات.
