تحدثت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” عن خريجي كلية التجارة.
حيث قالت: “خريج تجارة وخريجين تجارة أنا آسفة وأنا غلطانة للفرعون خريج تجارة.. اسمع يا فرعون يا تاج الراس يا نبض القلب والإحساس يا أصل الرقة ومنبع الإخلاص.. إزاي أنا نسيتك لا والله ما نسيتك.. وحق يجيلك لحق بيتك”.
وأضافت: “يا فرعون التجارة يا أصل الحضارة يا منبع الشطارة يا مصدر الإنارة يا فخر كل شارع وكل حارة.. الولد الطفل الجميل من وهو صغير يسألوه عايز تطلع إيه يا حبيبي.. يرد بكل فخر واعتزاز عايز أطلع تاجر أو رجل أعمال.. أعمال على وزن أفعال.. ليه؟ لأنه رجل أفعال.. الفرعون أفعال مش كلام”.
وتابعت: “شوفي من صغره عايز يكون بتاع أفعال مش كلام وخلاص.. الرجولة أفعال.. طيب مفيش كلية بتعمل أعمال أو بتخرج رجل أعمال.. ولكن فيه كلية اسمها كلية تجارة بتخرج رجالة.. فبيبقى راجل بتاع أعمال وأفعال.. راجل خريج كلية تجارة يفعل الأفعال ويعمل الأعمال”.
