وجهت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر”، رسالة للمرأة السورية، قالت فيها: “بمناسبة الشام على سيرة أهل الشام حبايبنا الفل الأبيض والورد والياسمين.. بحب أهل الشام أوي.. أنا بحب الست السورية جدًا جدًا جدًا.. جميلة نظيفة لطيفة كل حاجة حلوة فيها.. بحب كل الستات الحقيقة”.
وأضافت: “النهارده كنت عايزة أبعت محبة مني ووردة للست السورية.. بس ممكن أطلب منك طلب يا مدام.. ممكن.. ممكن أعرف انتي بتضايقي ليه من التئمسة.. لأ بجد إيه المشكلة إن جوزك يتئمس وهو بياكل؟ مش ده فرعونك حبيبك؟”.
وتابعت: “فرعونك يتئمس ع الفطار براحته يا مدام يعني لو غصب عنه عديهاله.. يمكن مستمتع بحلاوة أكلك الجميل اليبرق والحمص والكبة الكذابية والشيش برك والحراق اصبعو والمجدرة.. سيبه يتئمس.. عاجبه الأكل عايز يتئمس.. قوليله تؤبر قلبي تئمستك.. أو ممكن تقوليله تئمتسك بتؤبر قلبي.. الله شوفي حتى لو عكسنا الكلام الحلو للفرعون بيطلع حلو برضه”.
واستكملت: “تطلع واحدة دلوقتي تقولي يعني تئمسة أو يعني إيه يتئمس ببؤه.. أنا بكلم دلوقتي أهل الشام وهما فاهمين بس أنا هشرح لكوا.. يعني يطقطق ببؤه يعني يعمل وهو بياكل حاجة زي النمنمة بيعمل صوت.. بيتئمس من حلاوة وطعامة الأكل السوري فسيبي جوزك يتئمس يا مدام”.
