واصلت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” إثارة الجدل بالحديث عن العلاقة بين الرجل والمرأة بعد الزواج.
حيث قالت: “بعد الجواز.. الدكاترة النفسيين أو دكاترة الاستشارات الزوجية.. الله يعينكم على ما آتاكم والله يعينكم على ما بلاكم.. بصوا بقى.. دي حدوتة تروح المدام من هنا للعيادة أو للمركز هاي يا دكتور إزي حضرتك أنا جوزي نرجسي.. كده بدون أي مقدمات.. خير يا مدام؟ أنا جوزي طلع نرجسي.. الحقوني يا ناس طلع نرجسي.. طب اهدي يا مدام.. طب عرفتي منين يا مدام إنه نرجسي؟ تقولك هو بعينه أصله طالع شبه أمه نرجسي.. حماتها ما يعجبهاش العجب ولا الصيام في رجب.. طب إيه دخل رجب دلوقتي يا حبيبتي؟ إيه دخله يا مدام؟”.
وأضافت: “تقولك إيه بقى.. أصل مشيته شبه الطاووس كده مش عجباني.. مش عجباها المشية.. بيمشي معتز بنفسه كده نفس مشية أمه.. إيه يا مدام اهدي يا مدام.. اهدي يا مدام ده انتي لحد أول امبارح كنتي مفكرة النرجسي ده طبق حلويات.. خلينا ساكتين يا مدام وخليني ساكتة.. نت إيه ورجب إيه ونرجسي إيه.. جننتي دكاترة الاستشارات الزوجية يا مدام”.
وتابعت: “حضرتك عرفتي منين إنه نرجسي؟ دارسة مثلًا علم النفس البشرية من ورانا؟ ولا دي اجتهادات وتكهنات.. ولا حلمتي قبل الفجر إن جوزك نرجسي؟”.
