انتقدت الإعلامية ياسمين عز، في حلقة أمس السبت من برنامجها “كلام الناس” الذي يعرض عبر قناة “MBC مصر” تكاليف حفل الزفاف المبالغ فيها.
حيث قالت: “في الفرح.. فرح العمدة اللي لغوه من زمان.. الفقرة دي فيها بند لوحده بتاع 15 أو 20 ألف جنيه.. حسب بقى كل منطقة وحسب ظروفها.. اسمه إيه بقى الكوافير والماكيير.. أو الميكب ارتست.. اللي بيعملك شعرك إذا كنتي بشعرك.. أو إذا كنتي محجبة إحنا عارفين طبعًا التاج فوق”.
وأضافت: “تحس إن العروسة أو بعض العرايس بتتمكيج عند مهندس ديكور بيمحر وشها مش بيحط لها مكياج.. والله يا حبيبتي أي كوافير أو ماكيير.. حد يبحط لك مكياج معقول يقوم بالغرض مش لازم الماكييرة اللي عملت عندها شاهندة بنت طنط سونيا.. مش لازم ولا لازم الكوافير اللي عنده 150 ألف متابع على انستجرام.. وفشخرة فاضية وغش تجاري ومصاريف ضايعة في الهوا”.
وتابعت: “هو يا حبيبة قلبي بيحبك كده زي ما أنتي وشافك في كل حالاتك فمش لازم بهجرة ولا مكياج أوفر في الفرح وتتحولي.. مش لازم أهو ع الأقل لما تغسلي وشك ولما تروحي بعد الفرح ما يتخضش.. لو شاف حاجة غير اللي شافها”.
