تسببت مداخلة هاتفية بحلقة أمس السبت من برنامج “كلام الناس” الذي يعرض عبر قناة “MBC مصر” في انفعال مقدمة البرنامج الإعلامية ياسمين عز.
وهي المداخلة التي روى فيها شاب يدعى (إسلام) قصة تعجيز أهل خطيبته له، حيث قال: “الحدوتة إن أنا كنت خاطبها أساسًا وبعد كده جيت سبتها ولما حبيت أرجع لها تاني قالولي أجيب 300 ألف جنيه.. 250 قايمة و50 دهب ولازم يتكتبوا.. طب أنا كنت جايب لها خاتم ومحبس.. تمام فقالولي لأ لازم تجيب لها بـ 50 ألف دهب ولازم 300 ألف قايمة ولازم تجيبلها شقة”.
وأضاف الشاب في مداخلته الهاتفية، قائلًا: “أنا شقتي أوضتين وصالة وحمام ومطبخ.. تمليك بتاعتي قالولي لأ إحنا محتاجين شقة 3 أوض والشقة اللي انت قاعد فيها دي ما تنفعناش إحنا عايزين شقة تانية.. قالولي مش هتنفع طب أنا سواق توك توك.. قالولي شغلتك برضه مش نافعانا إحنا عايزين واحد موظف فهماني وشغل من كده بقى واتكبروا عليا فوق ما تتصوري”.
لترد عليه ياسمين عز، قائلة: “ماشي يا إسلام بشكرك جدًا وحالًا هنرد عليك من وجهة النظر الدينية والقانونية.. وماله سواق التوك توك أنا عايزة أعرف حاجة.. ماله سواق التوك توك.. هو مش من حقه يتجوز والموظف يتجوز.. لأ سواق التوك توك يتجوز ويتعمله أحلى فرح ويتجوز أحلى جوازة لإنه في الآخر بشر.. وإحنا قولنا تاخدي بالأخلاق وبلاش بقى نزايد على بعض في الكلام.. إيه المشكلة؟ انتي مش عرفتيه سواق توك توك؟ ولّا لما جه قالك قالك أنا رئيس لجنة ما أعرفش إيه ما انتي عرفتيه كده بتغيريه بعدها ليه؟”.
