علقت الإعلامية ياسمين عز، في أحدث حلقات برنامجها “كلام الناس” الذي يعرض عبر قناة “MBC مصر” على اتهام إحدى المتابعات على السوشيال ميديا لها بفبركة المكالمة الشهيرة في الحلقة السابقة.
حيث قالت: “في الحلقة اللي فاتت ناقشنا موضوع مهم جدًا عن قانون الرؤية.. الحلقة بطبيعتها كانت نارية وجاتلنا المكالمة الصادمة اللي كلكم سمعتوها والمكالمة كانت طبيعية وحقيقية من أرض الواقع”.
وأضافت: “تطلع واحدة تقولي ياسمين انتي بتفبركي المكالمات.. الله.. حبيت التعليق وهرد عليكي وكالعادة هتندمي إني رديت.. أنا ما بفبركش مكالمات.. وهنا ما بيفبركوش مكالمات.. وإحنا ما بنفبركش مكالمات.. المكالمة الوحيدة اللي مسموح لك تفبركيها هي مكالمتك لجوزك من رقم غريب.. تعاكسيه وتفرحيه وتقوليله مبروك حضرتك كسبت ألف جنيه”.
وتابعت: “هيرد عليكي يقولك ليه؟ تقوليله لإنك مارون جلاسيه وتقفلي التليفون.. ادي لجوزك ألف جنيه وبوسي إيديه وسلمي لي عليه.. عرفتي إحنا دلوقتي ما بنفبركش مكالمات ليه؟ عرفتي.. وندمتي.. وخسرتي ألف جنيه بس كسبتي فرحة جوزك اللي هي بالدنيا كلها ففرحي جوزك يا مدام وشكرًا”.
