ياسمين عز للفتيات: لو اتقدملك صاحب مطعم أوعي ترفضيه.. عشان دايمًا عينه مليانة وبطنه شبعانة
وجهت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” نصيحة للفتيات في حال تلقي عرض زواج من صاحب مطعم بأن توافق على الفور.
حيث قالت ياسمين، في الحلقة التي أثارت جدلًا كبيرًا على مواقع التواصل الاجتماعي في الساعات القليلة الماضية: “لو اتقدملك صاحب مطعم أوعي ترفضيه.. حبيه واتجوزيه.. ولو جوزك صاحب مطعم أكرميه وحطيه فين فوق راسه”.
وأضافت: “صاحب المطعم دايمًا عينه مليانة وبطنه شبعانة.. معروفة.. طب عينه مليانة إزاي يعني؟ 24 ساعة ستات وبنات داخلين طالعين في المطعم.. بالنسبة له شيء عادي.. مفيش إنبهار.. لو دخله مليون واحدة تفضلي انتي في عيونه ست البنات.. شوفي بقى”.
وتابعت: “انتي عارفة طبعًا كلنا لما بنروح المطعم بننزل في أبهى حلى وأحسن شكل رايحين خارجين ناكل ونقعد مع صحابنا ونقعد مع عيلتنا وكذا.. فهو بيشوف الستات والبنات في أحلى أشكالها مهندمين ومرتبين ومهذبين ولا يشغله ولا يهمه عينيه مليانة ده تاخديه وانتي مغمضة صاحب المطعم ده”.
