ياسمين عز: الراجل الحزين هيفك لوحده إزاي؟ نطلعه م الفريزر ونسيبه ساعتين ولا نحطه في الميكرويف

تحدثت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” عن أهمية أكتاف الرجل، وضرورة الطبطبة عليها في حالات حزنه للتخفيف عنه.

حيث قالت: “لماذا نطبطب على كتف الراجل.. شوفي برضه التاريخ قالك إيه.. شوفي معاناة الرجل المصري.. شوفي الحزن اللي إحنا فيه.. الراجل من وهو صغير ومن صغره يقولك لو عيط سيبوه يعيط محدش يجي جنبه.. لو بكى يقولك سيبوه يبكي هيسكت لوحده.. لو حزن واتقهر يقولك محدش يلمسه ولا يطبطب عليه سيبوه هو هيفك لوحده.. يفك لوحده إزاي يعني يفك لوحده إزاي مش فاهمة؟”.

وأضافت: “الراجل هيفك لوحده إزاي.. نطلعه م الفريزر ونسيبه ساعتين يفك.. ولا نحطه في الميكرويف.. مش فاهمة.. وانتي بقى لو قولتي واء يجروا يحضنوكي ويحننوكي.. ويهدهدوكي.. ويطبطبوا عليكي ليه؟ ليه وانتي بطة على راسها ريشة وهو مالوش أهل؟ هو مالوش صاحب ولا أهل؟ إحنا أهله.. نطبطب عليه.. طبطبي بإيديكي على كتاف جوزك بدل ما تيجي واحدة تطبطبه وتطبعه وتاخده وتمشي”.