كشفت الإعلامية ياسمين عز، في حلقة أمس الجمعة من برنامجها “كلام الناس” الذي يعرض عبر قناة “MBC مصر” سبب طلب يد المرأة للزواج وليس شيئًا آخر.
حيث قالت: “عمرك سألتي نفسك أو إحنا بشكل عام سألنا نفسنا ليه الراجل لما بيروح يتجوز الست أو يتقدم لها بيطلب إيدها؟ يعني ليه الراجل بيطلب إيد الست ما بيروحش مثلًا يقوله يا عمي أنا طالب ودان بنتك.. أو يا عمي أنا طالب مناخير بنتك.. ليه مثلًا مش بيطلب رجلها.. شعرها.. عيونها.. ودانها.. مناخيرها.. ليه؟”.
وأضافت: “سؤال من الأسئلة اللي لازم نفكر فيها بعمق وما تلاقيش إجابته إلا عندي هنا في كلام الناس.. خلينا نرجع لبداية الموضوع ونرجع للتاريخ.. أول حاجة الراجل الفخيم رغم بساطته.. والبسيط رغم فخامته.. السهل الممتنع.. لما بيروح يطلب إيد واحدة.. في الأصل زمان قالوا عشان 3 أسباب”.
وتابعت: “السبب الأول قالك إن الإيد دي هي اللي بتطبخ.. يعني البنت لما تتجوز تكون عارفة إن أساسيات الجواز هي الطبخ.. يبقى لازم تتعلمي تتطبخي.. السبب التاني إن الحاجة الوحيد اللي يقدر يلبسك فيها خاتم أو دبلة هي إيدك.. السبب التالت الراجل لما بيجي يطلب إيد الست لإنه بيكون طاقة حنان وعشان الإيد دي الحاجة الوحيدة اللي بتطبطب”.
تسلمي ياسمين ..ذكاء يحترم