ياسمين عز: جدي لما جاب التليفزيون الجيران قالوا الحاج محمد جاب حتة خشب بتتكلم وجم يتصوروا جنبه

تحدثت الإعلامية ياسمين عز، خلال حلقة أمس السبت من برنامجها “كلام الناس” الذي يعرض عبر قناة “MBC مصر” عن جدها الأكبر محمد وطريقة معاملة جدتها له.

وقالت ياسمين: “جدي محمد الكبير الله يرحمه لما جاب تليفزيون ملون على أيام جدي كان خشب كده متقفل خشب.. الجيران كلهم قالت الحق الحاج محمد جاب حتة خشب بتتكلم وجم يتصوروا جنب التليفزيون الملون أبو خشب”.

وأضافت: “آدي جدي بروتين إيه اللي بتتكلمي عليه؟ جدي ده عاش 98 سنة والله العظيم.. أنا جدي محمد الكبير توفى وهو عنده 98 سنة كان من المعمرين في الأرض راجل معمر عارفة ليه عشان جدتي الله يرحمها ويبارك لها كانت بتعامله معاملة خليته يعمر وسنه يعمر.. كان فاضله سنتين ويقفّل قرن كان هيبقى جدي عنده قرن.. بس أقدار ربنا”.

وتابعت: “أنا بقى لو قولتلك جدتي كانت بتقوله إيه هتموتوا مني فأنا مش هموتكوا ومش هطلع أسرار بيتنا.. بس أنا جدتي بالنسبة لها أستاذ محمد أستاذ إيه مفيش أستاذ والكلام ده.. جدي كان عنده السرير أبو أربع عماويد زي السلطان سليمان في حريم السلطان وعليه ناموسية الله يرحمك يا جدي.. كان عايش وقعدت جنبه أهويله بالمروحة وأنا حفيدته”.

واستكملت: “الله يرحم جدتي إنها ما عاشتش وشافت حفيدتها في العصر الحديث وهي بتقول للناس اللي بيقولوا محماااا.. كان زمانها ماتت بدري الحمد لله ربنا يرحمهم”.