انتقدت الإعلامية ياسمين عز، خلال حلقة أمس الخميس من برنامجها “كلام الناس” الذي يعرض عبر قناة “MBC مصر” تصرفات بعض النساء مع أزواجهن في المنزل.
حيث قالت: “أما شوفت هدية جورجينا لجوزها كريستيانو أو CR7 قصدي حبيبها معلش غلطت لحبيبها CR7 افتكرت حالنا هنا.. زعلت أوي ع الراجل المصري.. زعلت ع الراجل بتاعنا الفرعون بتاعنا وجاي على بالي أسألك سؤل دلوقتي.. انتي ليه كزوجة مش هقولك ما بتجيبلوش هدية مش هقولك ده.. أنا هقولك حاجة صغيرة انتي بتعمليها.. لسه واخدة بالي منها.. انتي ليه كزوجة بتجري تخبي الشامبو والبلسم من الحمام قبل ما جوزك يروح ياخد دش أو ياخد شاور.. ليه بتعملي الحركة دي.. ليه؟”.
وأضافت: “أنا محتاجة إجابة ع الموضوع ده.. بتسيبي له إيه بقى.. بتسيبيله صابونة بايتة أو شوية صابون مكسر كده.. أو لو أكرمتيه أوي صابونة النابلسي بتاعت التموين.. ليه بتعملي كده هو مش جايب الشامبو والبلسم ده بفلوسه ولّا بفلوس مين؟ أنا محتاجة إجابة ع الموضوع ده ليه بقى ما هي خدت من فلوسه وجابتله عربية إحنا بقى البعض طبعًا مش الكل يجيب لها الشامبو تروح تخبيه منه ليه؟”.
وتابعت: “طبعًا لو قولت لك هاتيله هدية هتاكليني.. بس يعني خليكي كريمة في الحاجات الصغيرة البعض مش الكل في ناس بتزعل مش كل الناس طبعًا بس انتوا بتعرفوا ناس وأنا بعرف ناس بيخبوا الشامبو قبل ما الراجل ما هو اللي جايبه.. لو هو بقى عمل فيكي كده هو بقى جايب شامبو لنفسه وجايب حاجته لنفسه وصابونته لنفسه وخباها منك.. هنعمل إيه هتعملي إيه؟ مصر كلها هتعرف.. هو ما بيتكلمش راح قال الست بتاعتي خبت الشامبو مني؟ يا ستي خدي من فلوسه وهاتيله علبة تانية مش هقولك هاتيله هدية.. أنا خايفة نفسي من أول الحلقة أقولك دلعي الراجل وهاتيله هدية هتقوليلي منين والفلوس ما تجيبي لنفسك من فلوسه”.
