ياسمين عز: مرات ميسي جابتله عربية بس ما عملتش زي جورجينا عشان ست واعية وعارفة إن العين فلقت الحجر

واصلت الإعلامية ياسمين عز، حديثها عن نجم كرة القدم البرتغالي كريستيانو رونالدو، وحبيبته جورجينا رودريجيز، خلال حلقة أمس الخميس من برنامجها “كلام الناس” الذي يعرض عبر قناة “MBC مصر”.

وقالت ياسمين، خلال الحلقة: “الناس بقالها كام يوم بتتكلم عن العربية الرولز رويس اللي جابتها الست جورجينا لحبيبها CR7 بمناسبة السنة الجديدة.. بس في الأول كده يا ترى الأخوة المشككين عرفتوا إن كلامي بيوصلها ولّا لسه؟”.

وأضافت: “أظن كده الأمور بقت واضحة قدامكم وعال العال.. الست على حطة إيدكم أهي بقالها أسبوعين مجرد ما أقولها الكلمتين من هنا تقوم منفذة تاني يوم على طول من هنا.. بيني وبينكم أنا بحب الستات اللي بتسمع الكلام.. تحس إن هما بيستجيبوا.. ولو إن لسه عاتبة عليها برضه في بعض الأمور ولكن إحقاقًا للحق جميل إنها تبتدي تهتم بالجمعة الأسرية أو الجمعة البيتوتية. وتلم العيال وأبوهم في البيت وتحتفل بيهم احتفال جميل ولكن مالوش لازمة الشو”.

وتابعت: “المثل بيقولك إيه داري على شمعتك تقيد.. مش فاهمة ليه لغاية النهارده برضه جورجينا مش عايزة تتعلم من الأستاذة الست المحترمة أنتونيلا حتة النوتيلا مرات ميسي.. على فكرة بس انتوا ما تعرفوش برضه دي معلومة.. أنتونيلا جابت لجوزها ميسي عربية هدية.. ولكن لا حد شافها ولا حد سمع بالموضوع.. ليه؟ عشان هي ست ناصحة وواعية وعارفة إن العين فلقت الحجر.. مش بعيد كمان يعني تكون د بـحـ ـت”.