ياسمين عز: ليه بقينا نستسهل الطلاق؟ دي الست لو فستانها اتنتش بتقلب البيت مناحة.. مش عايزينها تزعل على راجل!
تحدثت ياسمين عز، خلال حلقة أمس من برنامجها “كلام الناس” الذي يعرض عبر قناة “MBC مصر” عن فكرة استسهال الطلاق التي انتشرت في الفترة الماضية.
حيث قالت: “بستغرب جدًا من بعض حبايبنا الستات اللي لما واحدة تطلق يروحوا يقولولها إيه بقى.. مع السلامة يروح واحد ويجي عشرة غيره.. هو إيه اللي مع السلامة هو إيه اللي يروح واحد ويجي غيره”.
وأضافت: “إحنا ليه بقينا نستسهل الموضوع؟ ليه بقينا نستسهل الطلاق؟ إزاي.. دي الست لو عندها فستان بتحبه وقع عليه حاجة ولّا اتنتش نتشاية ولّا حصله أي حاجة بتزعل عليه وبتقلب البيت مناحة.. مش عايزينها تزعل على راجل عاشت معاه سنين وشافت معاه أيام كتير حلوة؟”.
وتابعت: “طبعًا مع اختلاف وجه المقارنة.. طبعًا مفيش هنا مقياس إن أقارن الرجل الفرعون المصريين القدماء بالفستان.. ولكن بديكي مثال على إن أهون وأسهل حاجة فستانك اللي بتحبيه.. ما بالك الراجل.. لأ طبعًا الطلاق وخراب البيوت مش سهل أبدًا.. كلمة طلاق في حد ذاتها تقيلة وبتوجع وبتعمل جرح في قلب أي ست.. حتى لو حاولت تبين للناس واللي حاوليها عكس كده”.
