ياسمين عز: عرفت ريحة ولاد ميسي بالسينس اللي بيخليكي تلقطي الشعراية من على قميص جوزك وما تاخديش بالك من العمود وانتي بتركني

أثارت الإعلامية ياسمين عز، مقدمة برنامج “كلام الناس” الذي يعرض عبر قناة “MBC مصر” جدلًا واسعًا بعد حديثها عن رائحة أولاد النجم الأرجنتيني ميسي، لاعب نادي باريس سان جيرمان الفرنسي.

وقالت: “ناس كتير من امبارح عمالة تسألني وسؤال حير ناس كتير جدًا وسألتوني هو انتي شميتي ريحة عيال ميسي فين عشان تعرفي ريحتهم بودرة أطفال ولّا لأ يا ياسمين”.

وأضافت: “بصراحة سؤال حلو وعجبني وهجاوبك وهقولك.. عرفت إزاي عرفت بالسينس عارفة السينس.. السينس اللي بيخليكي كده تشمي ريحة جوزك أول ما تدخلي من باب الشقة.. نفس السينس اللي بيخليكي تشكي في جوزك وهو ماسك التليفون ومبتسم زي الأطفال وانتي زي ظالماه ومفكراه بيخونك مع واحدة تانية”.

وتابعت: “السينس اللي بيخليكي تلقطي الشعراية من على قميص جوزك في حين إنك ما بتاخديش بالك من العمود وانتي بتركني طبعًا الشعراية اللي بتكون من عند الحلاق لإن الراجل وقتها بيكون طاهر بريء لا شعراية كده ولا شعراية كده.. هو ده السينس اللي أنا عرفت بيه”.

واستكملت: “وبعدين كلنا وإحنا صغيرين كنا بنستحمى ونحط بودرة أطفال بناخد شاور ونحط بودرة أطفال.. بيبان كده أول ما تلاقي حد نضيف وشعره بيلمع كده وبيبرق حاجة كده بتلمع بتحسي كده إن انتي شميتي ريحته”.