تحدثت الإعلامية ياسمين عز، في حلقة أمس من برنامجها “كلام الناس” الذي يعرض عبر قناة “MBC مصر”، عن الرجل المصري حيث قالت: “جدعنة رجالنا مش كلام.. أفعال.. والله مش كلام وادخل أشوف مين بيدافع عني أو مين بياكل بسنونه اللي يقرب مني تلاقيه دكتور كذا.. رئيس قسم كذا.. دكتور في جامعة كذا.. باحث وخبير في كذا.. مهندس كبير في كذا.. بتاع السوبر ماركت.. كابتن الجيم.. اللي بيدرس كله من أصغر حد لأكبر حد.. ومن أكبر حد لأصغر حد”.
وأضافت: “شوفتي بقى.. شوفتي الراجل المصري ده جوزك وأخوكي وأبوكي اللي دافع عني وأنا إيه أنا واحدة ما يعرفهاش ولا شافها ولا تربطه بيها صلة دم ولا قرابة إلا من خلال شاشة تليفزيون.. تخيلي النخوة والشهامة ده الراجل المصري جوزك.. ده مش تحطي في عينيكي ده تشيلي كده على الرموش والأهداب عارفة الأهداب ولا مش عارفاها.. الراجل يتشال ع الرموش والأهداب فوق العيون وجوه العيون”.
وتابعت: “جوزك دافع عن الغريبة بكل ما أوتي من قوة لمجرد إشاعة هدامة ما بالك بقى انتي مراته لو حد قربلك ياكله كده بسنانه يقرقشه افرحي بجوزك الراجل المصري العظيم افرحوا برجالتكوا اسعدوا رجالتكوا.. رجالتكوا عملة نادرة في الزمن ده.. الراجل المصري والنخوة اللي عنده والاحترام والتقدير والله ما يتقدرش بكنوز.. يا مدام انتي معاكي حتة آثار نادرة.. راجلك المصري قطعة نادرة.. حافظي عليها انتي بتملكي تحفة ومعدن نفيس من الرجولة والشهامة والجدعنة حافظي عليها.. زي الآثار كده محدش يلمسه ولا يقرب خطوة من المتحف.. المتحف الخاص بيكي.. فيبختنا والله العظيم يا بختي ويا بختنا كمصريات برجالتنا المصرية”.
