تحدثت الإعلامية ياسمين عز، في حلقة أمس من برنامجها “كلام الناس” الذي يعرض عبر قناة “MBC مصر”، عن مطالبة البعض باعتزال نجمي كرة القدم الأرجنتيني ليونيل ميسي، والبرتغالي كريستيانو رونالدو، لكبر سنهم.
وقالت ياسمين، تعليقًا على حديث رواد مواقع التواصل الاجتماعي: “في كلام عن سن ميسي وكريستيانو.. مش بستوعب اللي يطلع يقول ده عنده 35 سنة أو عنده 37 سنة ده خلاص هيعتزل ده خلاص مش قادر ده كبر وعجز.. عجز إيه يا جماعة.. عجز إيه يا شباب ما تعقلوا الكلام قبل ما تقولوه يا شباب ويا بنات عشان ما بحبش أفرق”.
وأضافت: “مبدئيًا كده مفيش راجل بيعجز يا حبيبتي مفيش.. معروفة الراجل ما بيعجزش.. وكل سن وليه حلاوته وكل سن وليه جماله.. تلاقي الراجل ما شاء الله سبعين سنة ومش باين عليه.. وتلاقي بنات صغيرين جدًا ومش عايزة تقوم من ع الكنبة.. هو ربنا خلقه كده بنيانه القوي سبحان الله جيناته كده”.
وتابعت: “وبعدين 35 أو 37 سنة ده أحلى سن للراجل ده البداية.. ده بداية الحياة وقمة النشاط وقمة النضج.. فبلاش والنبي أرجوكوا أي كلام كده وخلاص بلاش موضوع عشان هو راجل نقول عليه أي حاجة وخلاص.. لأ زي الفل شاب زي الفل”.
