ياسمين عز: موظفة البنك هي الوحيدة اللي ما بتتخنش.. بطنها مشفوط كتفها مفرود ضهرها مشدود رقبتها عمود

كشفت الإعلامية ياسمين عز، خلال حلقة أمس من برنامجها “كلام الناس” الذي يعرض عبر قناة “MBC مصر” عن مزايا الزواج من موظفات البنوك.

حيث قالت: “يا بختك يا حظك يا سعدك يا هناك لو اتجوزت موظفة بنك.. ليه بقى لإنك لازم تعرف إنك اتجوزت الشياكة والأناقة كلها.. اللبس الشعر الميكب كل حاجة مظبوطة على الشعرة وعلى المسطرة”.

وأضافت: “هتحس إنك متجوز ست موديل.. موديل بمعنى الكلمة.. مش عارفة انت تعرف ولا لأ إن فيه إدارة كاملة في كل البنوك بتمر كده على الموظفات كل أسبوع بتتمم على أناقتها ومظهرها.. تخيل.. فبالتالي مش هتحتاج تقولها اهتمي بنفسك لإن هي أصلًا مهتمة بنفسها والشياكة بالنسبة لها أسلوب حياة”.

وتابعت: “عايزة أقولك على ميزة تانية مهمة جدًا.. موظفة البنك هي الوحيدة اللي ما بتتخنش.. تاكل وما تتخنش سبحان الله جيناتها كده.. مهما تفوت السنين هتلاقيها دايمًا محافظة على رشاقتها وعلى جسمها.. بطنها مشفوط.. كتفها مفرود.. ضهرها مشدود.. رقبتها عمود.. سوبر موديل.. شوف حتى وأنا بتكلم عنها عدلت قعدتي”.

وأردفت: “مواعيدها ثابتة بتروح البنك بميعاد وتمشي بميعاد.. كبيرها يومين تلاتة بس في السنة اللي بتتأخر فيهم وهما نهاية السنة المالية لما يكون عندها جرد وتفتيش.. غير كده بقى تظبط المنبه على مواعيد دخولها وخروجها هتلاقيها بالدقيقة والثانية في البيت.. عمرها ما تتأخر في تحضير الغدا أو أي حاجة تانية”.