كشفت الإعلامية ياسمين عز، خلال حلقة أمس من برنامجها “كلام الناس” الذي يعرض عبر قناة “MBC مصر” عن مزايا زواج الرجل من فتاة تعمل في مهنة الطب.
حيث قالت: “عزيزي الفرعون.. ياللي بتفكر في الجواز ركز معايا كده وتعالى أقولك مزايا الارتباط والجواز أو الجواز من الطبيبة أو الدكتورة.. سواء لسه في دراستها أو اتخرجت”.
وأضافت: “مبدئيًا كده لو حظك ونصيبك وقعك في الجواز من دكتورة أعرف إن ربنا بيحبك والحاجة ست الكل والدتك راضية عليك تمام الرضا.. جوازك من دكتورة ده معناه إنك هتتجوز وحدة رعاية مركزة متنقلة.. مفيش ست في الدنيا هتهتم بيك قدها أو زيها.. رعاية في صحتك.. رعاية في أكلك هدومك مواعيدك أولادك وكل تفاصيل حياتك.. ده غير إن البنت أو الست الدكتورة بيكون في قلبها كده الطيبة والحنية رباني مش مكتسبة”.
وتابعت: “وشها مبتسم طول الوقت وصوتها شتوي صيف شتا خريف ربيع أربع فصول.. معندهاش تون صوت صيفي لأ.. تون صوتها مثبتاه دايمًا على رقم 20 ما بيعلاش عن كده 20.. عمرك ما تلاقي دكتورة صوتها عالي أو بتزعق.. سبب تاني عمرك ما هتلاقي حد متجوز دكتورة عنده صداع.. أو أرق مستحيل.. جوزك الدكتورة ما عندوش أرق معروفة.. أو ضغطه عالي.. لأن مفيش في حياته اللي يستدعي إنه يتعصب أو ضغطه يعلى بعد الشر عليه وعلى حواليه”.
