وجهت الإعلامية ياسمين عز، نصيحة للسيدات خلال حلقة أمس من برنامجها “كلام الناس” الذي يعرض عبر قناة “MBC مصر”.
حيث قالت: “النهارده كل الناس تقريبًا مسافرين.. يعني 4 أيام ورا بعض اللي سافر البلد يزور أهله واللي سافر الساحل الشمالي واللي سافر إسكندرية واللي راح جمصة وراس البر ومرسى مطروح.. الكل مقضيها عوم وبلبطة.. وعلى سيرة البلبطة ما دام حضرتك مسافرة يومين واخدة معاكي بقى حلة ورق العنب.. سؤال انتي واخدة معاكي حلة ورق العنب ليه؟”.
وأضافت: “يومين أنا هسكت أهو يمكن أسمع منك إجابة منطقية.. ليه واخدة معاكي حلة ورق عنب في المصيف؟ ليه يا حبيبة قلبي؟ يعني إحنا قولنا بانيه متبل بالبيض والبقسماط وهيقلب ريحة عربية فرعونك تمام ماشي.. نقدر نستوعب أهمية وضرورة البانيه في المصيف.. ده كويس إن إحنا نوفر يعني الأسعار في كل حتة بقت غالية وأهي حاجة سريعة تتعمل برضو ساندويتشات مع حلة مكرونة مفيش أي مشكلة في كل الأكل اللي ممكن تاخديه.. ولكن مسافرة تصيفي يومين ولا تلاتة واخدة معاكي حلة ورق عنب ليه؟ وبعدين هتجيبي شربة تسقي بيها المحشي منين يا حبيبة قلبي؟”.
وأختتمت حديثها قائلة: “لو ورق العنب واحشك أوي كده كليه قبل ما تسافري أو حطيه في الفريزر.. أهو لما ترجعوا م السفر تلاقي حاجة جاهزة تاكلوها.. أنا بحبك وعايزة مصلحتك فأرجوكي عشان خاطري بلاش تاخدي ورق عنب معاكي وانتي مسافرة المصيف”.
_٨٣٦٩٣٨٣