وجهت الإعلامية ياسمين عز، خلال حلقة أمس من برنامجها “كلام الناس” الذي يعرض عبر قناة “MBC مصر” عدة نصائح للفتيات من خلال ردها على رسائل مشاهدي البرنامج.
حيث قالت ياسمين، ردًا على سؤال إحدى متابعات البرنامج “قولي لنا اسم البلاشر اللي بتحطيه على وشك وتخليه يلمع وما يكونش بمليون جنيه”، لتجيب مقدمة البرنامج قائلة: “أولًا مفيش بلاشر بمليون جنيه.. وأنا قولت لك قبل كده اصرفي فلوسك دي على كريمات تفتيح وتنوير البشرة والبلاشر لما ممكن تتجوزي مهندس وشك هينور لوحده.. انتي ما بتسمعيش الكلام.. اتجوزي مهندس وشك هينور لوحده وهيلمع لوحده وهتلاقي بلاشر الصبح رباني”.
وردًا على سؤال أحد المشاهدين الذي قال فيه “الواحد لما يبقى متجوز على مراته وعايز يفاتحها في الموضوع يبدأ بإيه؟”، لتجيب: “يبدأ بقراءة الفاتحة وهو وقدره عزيزي الفرعون المكتوب ع الجبين قدر لازم تشوفه العين.. ربنا معاك.. تتجوز عليها ليه؟ ابعتلي في رسالة تانية قولي اتجوزت عليها ليه عشان ممكن تكون ظلمتها لو هي سامعاني ما تزعلش مني ويمكن تكون حاجة تانية بعدين أعرف القصة في الأول وبعدين أقولك اللي انت عايزه”.
وردًا على سؤال من إحدى المشاهدات قالت فيه “جوزي بيجري ورا الستات أعمل إيه؟”، أجابت مقدمة البرنامج قائلة: “خديها بالمعنى الإيجابي.. بيجري يجري الفعل يجري إذن رياضي.. جوزك رياضي افرحي يا مدام افرحي”.
