وجهت الإعلامية ياسمين عز، خلال حلقة أمس السبت من برنامجها “كلام الناس” الذي يعرض عبر قناة “MBC مصر” مجموعة نصائح للسيدة اللبنانية.
حيث قالت: “على سيرة لبنان.. إذا أنتي سيدة لبنانية جميلة هتقولي لجوزك يا فينيقي.. هاي حياتي.. هاي فينيقي منها فينيقي اللي هو فينيقيك انتي للملكية.. ومنها فينيقي نسبة للحضارة الفينيقية.. الله.. فلسفة وتاريخ في نفس الوقت”.
وأضافت: “طيب انتي عايشة طول عمرك بتأكليه تبولة وفتوشة ومنقوشة.. انسي بقى الكلام ده خالص.. من هنا ورايح تأكليه تبول وفتوش ومنقوش.. الغي التاء المربوطة من حياتك يا مدام مالهاش أي لازمة في آخر الكلام.. حتى التاء المربوطة تخنقك في حياتكوا”.
وتابعت: “لو اتجوزتي مصري هتقوليله يا فرعوني.. تيجي تعيشي في مصر في حضن حماتك ومفيش بقى فتوش ومنقوش ما ياكلوش.. في محشوش في فرخوش وفي بطوش ده اللي عندنا.. عشان تبقي عارفة وما تجيش تقولي محدش قالي آديني بقولك ع الهوا.. هتاخدي الفرعون وتعيش هنا معانا مع حماتك وفي حضن جوزك”.
واختتمت حديثها قائلة: “ليه بتقولي تؤبر قلبي.. هو يستفيد إيه لما يؤبرك بعد الشر عليكي إيه وجه الاستفادة لما يؤبرك ولا يؤبر قلبك بعد الشر عليكي وعلى حواليك.. قوليله حاجة تفيده أو غنيله في أغاني حلوة كتير ممكن تقوليهاله شو حلو فينيقي شو حلو.. مع الاعتذار طبعًا للأستاذ زياد برجي”.
