خصصت الإعلامية ياسمين عز، فقرة في حلقة اليوم الخميس، من برنامجها “كلام الناس” الذي يعرض عبر قناة “MBC مصر” للإجابة عن أسئلة الجمهور.
حيث قالت: “واحدة بتسألني وتقولي الحقيني يا ياسمين.. أستاذة ياسمين لو سمحتي.. جوزي بياكل كتير جدًا ونفسه مفتوحة على الأكل ناقص ياكلنا في البيت قوليلي إزاي أسد نفسه؟ أقعدي قدامه.. أقعدي قدامه هتتسد نفسه.. هتسدي نفسه تلقائيًا.. وبعدين أنا عايز أسألك سؤال.. انتي عايزة جوزك ما ياكلش ليه يا مدام؟ هل هو بياكل من تلاجة باباكي ولا هتقدميله في مسابقة ملك جمال العرب؟ لا يا مدام انتي مش هتقدميله انتي ما بتقدميش انتي بتأخري.. ده بدل ما تقومي بالليل تشوحيله حتتين كبدة؟”.
وأضافت: “واحدة تانية بتسألني بتقولي إيه مواصفات فتى أحلامك يا ياسمين؟ أحييكي ما شاء الله عليكي.. ده أغبى سؤال مر على تاريخ البشريات والحيوانات والجمادات وكل الكلام ده.. مفيش مواصفات يا حبيبتي الرجالة كلها حلوة.. رجل وكينونة الأحلام الفتى الهمام دافع المرأة للأمام كل حاجة”.
وتابعت: “هدى باعتة بتقولي أنا مخطوبة لواحد كل ما أزعل من حاجة يقولي معلش حقك عليا زوقي معايا الجوازة.. فين السؤال؟ أنا مش هكمل انتي عايزة مني إيه؟ الراجل عداه العيب وأزح.. قالك 3 كلمات في جملة واحدة.. الـ 3 كلمات دول انقرضوا من القاموس البشري.. قالك معلش.. قالك حقك عليا.. وذكر كلمة الجوازة.. استخدم مصطلح الجوازة وده الأهم.. وانتي عارفة إن مفيش جوازة دلوقتي ومحدش بيتجوز.. فلو مش عاجبك تزوقي الجوازة ما تزوقيش.. وإحنا نجيبله حد يزق معاه.. لإ إحنا هنجيبله الزق كله تحت رجليه.. إحنا هنجيبله حد يعيشه فرعون لابس تاجه وتشيل هي.. وانتي اقعدي ارتاحي يا منعدمة الإحساس”.
لا تعليقق 🙂👍