نفت الإعلامية ياسمين عز، خلال حلقة أمس الأحد من برنامجها “كلام الناس” الذي يعرض عبر قناة “MBC مصر”، أنباء توقف برنامجها خلال شهر رمضان، وعدم ظهورها على الشاشة.
ووجهت ياسمين، خلال حلقة الأمس رسالة للمشاهدين قالت فيها: “قبل أي حاجة وكل حاجة لكل اللي سألوني وكل اللي مستنيين إني أطلع النهارده أعلن عن أجازتنا في رمضان وأقولهم إن البرنامج ده في النهاية طلع مقلب لأ يا مدام البرنامج ده مش مقلب.. البرنامج ده حقيقي طبيعي فرعوني كائنات بشرية ناس حقيقيين ومش مقلب”.
وأضافت: “المقلب الحقيقي هو إنك تعتقدي أو تتخيلي إنك مش هتشوفيني في رمضان علشان أجازتي وده مش هيحصل وتشوفي وش ياسمينتك حبيبتك.. على قلبك.. بحبك.. مقدرش استغنى عنك لازم أطل عليكي في رمضان لازم.. فالبرنامج مش مقلب وأنا موجودة في رمضان.. إزاي؟ هتعرفي في رمضان”.
الجدير بالذكر أن “كلام الناس” هو برنامج اجتماعي، يعرض أيام الخميس، والجمعة، والسبت، والأحد، من كل أسبوع في تمام الساعة السادسة مساءً بتوقيت القاهرة.
